2 жылда Достық-Мойынты телімінде 870 шақырымдық екінші жол салынбақ

Инфрақұрылым
25.03.2022, 09:12
Сұлугүл Бакесова

«Қазақстан теміржолшысы» газетінің тілшісі

«Қазақстан темір жолы» ұлттық компаниясы мемлекетіміздің 2025 жылға дейінгі аралықты қамтитын «Қуатты аймақтар – еліміздің даму драйвері» атты ұлттық жобасы шеңберінде ұзындығы 870 шақырымдық Достық-Мойынты телімінде екінші жолды салуды жоспарлап отыр.

Жоба 2022-2024 жылдар аралығында жүзеге асырылып, оның барысында 31 станция қайта құрылымдаудан өтеді деп жоспарлануда. Демек, биыл аталған телімде екінші жолдар құрылысы басталады.

Құрылыстың негізгі мақсаты – болжамды тасымал көлемін есепке ала отырып, резервтік қуаттылығын қамтамасыз ету арқылы Мойынты-Достық-Алашанькоу телімдерінің транзиттік өткізу және өңдеу қабілеттілігін арттыру, сондай-ақ, транзиттік контейнерлік пойыздардың жылдамдығын тәулігіне 1500 километрге дейін ұлғайту болмақ. Құрылыс біткеннен соң Достық-Мойынты телімін электрлендіру көзделуде екен. Ал жобаны Қазақстан Республикасы Ұлттық қорының қаражаты есебінен қаржыландыру қарастырылуда.

«Үстіміздегі жылдың 15 наурызында «Достық-Ақтоғай-Мойынты-Жарық-Жезқазған-Сексеуіл-Қандыағаш-Ақтөбе-Илецк (Достық-Мойынты теміржол телімінің екінші жолдары құрылысы» теміржол көлігі дәлізін жаңғырту» техникалық-экономикалық негіздемесі бойынша «Мемлекеттік сараптама» РМК-ның №01-0094/22-ші оң қорытындысы шықты. Техникалық-экономикалық негіздеменің бұл түзетіліміне Достық-Мойынты желісінің өткізу қабілетін арттыру қарастырылып, нормативтік іске асыру мерзімі және екінші жол құрылысының күрделілігі ескерілген. Сонымен қатар құрылыс жүргізілетін жылдар ішінде Достық қайта тиеу станциясын жаңғыртуды қоса алғанда, іске қосу кешені түріндегі үш құрылысты жылдарға бөле отырып, қолданыстағы өткізу қабілетінің «тар жерлерін» кезең-кезеңмен жою, жекелеген пункттерді дамыту және құрылыстың аралық кезектілігі бойынша таңдау қарастырылған», – дейді Ірі жобаларды іске асыру дирекциясының жаңа теміржол желісі құрылысы басқармасының бас менеджері Жаңабай Асанов.

Қазіргі кезде жалпы ұзындығы 14 шақырымды құрайтын Саяқ-Балқаш, Тағынқара-Ащыөзек, Ащыөзек-Ақжайдақ, Балқаш-Көкдомбақ телімдері құрылысының бірінші кезеңінің жобалық-сметалық құжаттамасын әзірлеу бойынша келісімшарт қол қойылуға жіберілген екен.
Сөз орайы келгенде, Қытайда 2021 жылы Цзинхэ-Алашанькоу шекаралық учаскесінде электрлендірілген екінші жолдардың құрылысы басталғанын айтар едік. Бұл өз кезегінде, «Достық-Мойынты» жобасының уақытылы жүзеге асырылып, Қазақстан-Қытай шекарасындағы теміржол инфрақұрылымының қатар дамып жатқанын көрсетеді.

Жаңалықтар
04.07.2025
ҚТЖ жол жөндеу техникасын жаңартуда
Жүк тасымалы
04.07.2025
Жаңа маусымға – жаңа вагондармен
Аймақтар
04.07.2025
Депутаттар контейнерлік аэрохаб жұмысымен танысты
Аймақтар
04.07.2025
Абай әлеміне саяхат
Цифрландыру
04.07.2025
Цифрлық технология: Зияткерлік білім сайысы
Аймақтар
04.07.2025
Құлсары дистанциясында жол жөндеу қарқын алды
Аймақтар
04.07.2025
Болашақ станциясы арқылы Түрікменстанмен жүк алмасу тұрақты жалғасуда
Жаңалықтар
04.07.2025
Қазақ-моңғол қатынасы сөз болды
Жаңалықтар / Мұрағат
04.07.2025
Қазақстан теміржолшысы газеті, №51 04 шілде 2025 жыл
Жаңалықтар
03.07.2025
Мемлекет басшысы Көлік министрі Нұрлан Сауранбаевты қабылдады
Қауіпсіздік
03.07.2025
Өрт сөндірудің заманауи әдістері талқыланды
Жаңалықтар
03.07.2025
ҚТЖ Басқарма төрағасы тағайындалды
ҚТЖ келбеті
03.07.2025
Астанада тоғысқан тағдырлар
Жолаушылар тасымалы
03.07.2025
Маусым айында ҚТЖ пойыздарымен 1,2 миллионнан астам жолаушы тасымалданды
Аймақтар
02.07.2025
«Таза Қазақстан»: Семей теміржолшылары санитарлық тазалықты күшейтуде
Жүк тасымалы
02.07.2025
Бірінші жартыжылдықта ҚТЖ желісінде экспорттық тасымалдың өсуі тіркелді
Әлемде
02.07.2025
Трансауған теміржол магистралі іске аса ма?
Жаңалықтар
02.07.2025
Түркістан станциясында жас жігіт суицид жасамақ болды
Жүк тасымалы / Апта саны
01.07.2025
ҚТЖ желісі бойынша астық тасымалы 53%-ға өсті
ҚТЖ келбеті
01.07.2025
100 маман іріктелді