Дегелең станциясында қосымша үш жол пайдалануға берілді

Инфрақұрылым
23.12.2022, 09:34
Суретті түсірген автор
Қуаныш Қожаев

Абай облысы бойынша меншікті тілші

Семей ЖТ бөлімшесіне қарасты бірінші класты Дегелең станциясында қосымша үш жол салынып, пайдалануға берілді. Бұл – ҚТЖ компаниясының тұңғыш рет бизнес-құрылымдармен, атап айтқанда «Қаражыра» АҚ және «Балапан көлігі» ЖШС-мен бірлескен жобасының нәтижесі.

Бірегей жобаның басты мақсаты – Дегелең станциясынан үш бірдей қабылдау-жөнелту жолдарын салу арқылы Дегелең – Жаңа-Семей телімін дамыту болатын. Көлемді қаржыны әрі көп уақытты қажет ететіндіктен бұл жоба ұзақ жылдан бері жүзеге аспай келген. Тек биылғы жылы ғана үш жақты бірлескен күштің, семейлік теміржолшылардың еңбегінің нәтижесінде шаруашылық тәсілмен орындалды.  

Жобаның сметалық құжаттамаларын «Қаражыра» АҚ даярлады. Ал жолдың үстіңгі қабаты құрылымын жүргізген, яғни рельс, шпал төсеу мен бағыттама бұрмаларын салуды Семей ЖТ бөлімшесінің теміржолшылары орындады. Сонымен қатар ауқымды жобаның орындалуына бөлімшеге қарасты барлық мекемелер тартылған болатын. Үш тәуліктік техникалық толаскез арқылы 7-ші, 8-ші және 9-шы жолдар орталықтандырылған құрылғыларға сәтті қосылды. Жолшылардан басқа ШЧ-29, ЭЧ-18 мекемелерінің жұмысшылары өз салалары бойынша тыңғылықты жұмыс жүргізді. Семей жол дистанциясы жаңа төселген жолдардың ең соңғы бекіту, тексеру жұмыстарын пысықтады.

Дегелең станциясында осыған дейін тек алты қабылдау-жөнелту жолы болды. Ендігі аралықта олардың саны 9-ға көбейіп, жүк айналымы бойынша өнімділік те артатыны даусыз. Соңғы жылдары көмір өндіруде қарқынды жұмысқа көшкен «Қаражыра» АҚ жылжымалы құрамдарға тиелетін қатты отын көлемін арттыруда. Мәселен, биыл 9 млн тонна көмір тасуды жоспарласа, оның 8,7 млн тоннасын темір жолмен жеткізу межеленген. Ал алдағы жылдары бұл көрсеткіш еселеп өсіп, 2024 жылы 10 млн-ға жеткізілмек. Осы жылы жоспар бойынша жылу маусымы басталғаннан кейін тәулігіне 620 вагон жолға шығарылуға тиіс. Бұл ретте алдағы жылдың өзінде вагон көлемін 560-қа жеткізу көзделіп отыр. Ал қазіргі күні станция басындағы жолдардың мүмкіндігіне қарай алты жылжымалы құрамнан тұратын 450 вагон жасақталатынын ескерсек, өнімділік көлемінің қаншалықты артатынын түсінуге болады. Демек, дер кезінде жүзеге асырылған жоба, яғни үш бірдей қосымша жол Дегелеңнің тынысын ашып, құлашын кеңге жаюға мүмкіндік бергені талас тудырмайды.  

– Бүгінде Дегелең – Жаңа-Семей телімі өзінің толық қуатында жұмыс істеп тұр. Жоспарлы кесте бойынша 10 жұп жүк пойызын өткізу керек болса, қазіргі жылу беру маусымына байланысты 11 немесе 12 жұп көмір тиелген пойыздар жүруде. Алдағы уақытта Қаражырадағы көмір өндіру ісі жылына 9-10 млн тоннаны құрайтын болса, қысқы жылу беру кезеңіндегі жүк пойыздарының саны 13-14-ке жететін болады, – дейді бұл орайда Семей ЖТ бөлімшесінің өндірістік-техникалық бөлімінің бастығы Гүлнар Төлеуханова.  

Бір бұл емес, осы тәрізді жаңа жобалар аясында Дегелең – Жаңа-Семей телімі бойындағы Известковый, Көл станцияларында да бір-бірден қабылдау-жөнелту жолдарын салу межеленген. Жалпы, ел шығысындағы теміржолшылар үшін биылғы жылғы жол саласындағы атқарылған іс-шаралар жемісті болды. Әйтсе де, келер жылғы меже бұдан да ауқымды. Өйткені, алдағы жылы Аягөз-Бақты темір жолын салу қолға алынатын болады.  

 

Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде
Жаңалықтар / Мұрағат
18.06.2024
«Қазақстан теміржолшысы» газеті, №51 18 маусым 2024 жыл
Әлемде
17.06.2024
Үндістанда екі пойыз соқтығысып, 15 адам қаза тапты
Жаңалықтар
17.06.2024
Қазақстанның екі қаласындағы теміржол бекеттерінде жөндеу жұмыстары толығымен аяқталды
Жаңалықтар
17.06.2024
Пойыздағы адамдардың мазасын алған мас жолаушы айыппұл арқалады
Қауіпсіздік
17.06.2024
Маңғыстауда биыл 12 мал пойыздың астына түскен
Жүк тасымалы
17.06.2024
Жіңішке жүк станциясының бүгінгі жай-күйі
Әлеумет
17.06.2024
Теміржолшылар Құрбан айтта қайырымдылық жасады
Әлеумет
17.06.2024
Депоның бірнеше қызметкері құрметті демалысына шықты
Әлеумет
17.06.2024
Пойыздың терезесіне тас лақтыру тиылмай тұр
Жаңалықтар
17.06.2024
Ақтау порты контейнерлерді ауыстырып тиеудің айлық көлемі бойынша рекорд орнатты
Жолаушылар тасымалы
14.06.2024
Бурабай бағытындағы пойыздарда жолаушылар саны үш жыл ішінде 10 есе өсті
Жаңалықтар
14.06.2024
Маңғыстауда ретро көліктер шеруі өтті
Спорт
14.06.2024
Шетпе станциясында теміржол мекемелері арасында шағын футболдан турнир өтті
Жаңалықтар
14.06.2024
Парламентте ҚТЖ-ның қаржылық жағдайы сөз болды
Жүк тасымалы / Апта саны
14.06.2024
Бес айда темір жол көлігімен 102 млн тоннадан астам жүк тасымалданды
Жаңалықтар / Мұрағат
14.06.2024
«Қазақстан теміржолшысы» газеті, №50 14 маусым 2024 жыл