HR қызметі уақытпен үндесуі керек

Сұхбат
07.02.2023, 09:28
Суретті түсірген автор
Сұлугүл Бакесова

«Қазақстан теміржолшысы» газетінің тілшісі

Ұлттық компанияда бір жылдан астам уақыт персоналдарды басқарудың түрлі жолдарын зерттеу және тәжірибе алмасу үшін HR саласындағы сарапшылармен кездесулер өткізу тәжірибесі қолға алынған. «ҚТЖ» ҰК» АҚ Адами ресурстарды басқару департаментінің HR бизнес-серіктесі, жоба жетекшісі Асқар Насыровпен әңгімеміз осы тақырыпта өрбіді.

– Асқар Асхатұлы, персоналды дамыту үшін көптеген компаниялар тәжірибе алмасуды тиімді құрал ретінде пайдаланатыны бұрыннан белгілі. Ал ҚТЖ-да HR үшін мұндай тәжірибені енгізуге қандай қажеттілік болды?  

– Жаңа және озық тәжірибелерді зерттеп білу қызметкерлердің кәсіби тұрғыдан өсіп-өнуі үшін жаңа мүмкіндіктер ашып, олардың дүниетанымын кеңейте түседі, сондай-ақ құрылымдық бөлімшелер мен кәсіпорындар арасында өзара әрекет етуді ынталандырады. Ал персоналды дамыту ісімен HR блогы айналысады, сол себепті бұл жауапты миссияны жоғары деңгейде орындау үшін HR қызметінің қызметкерлері әрқашан заманауи трендтерден хабардар болуы және оларды қолдана білулері керек. Бүгінде бұл мәселеге ерекше көңіл бөлініп, түрлі форумдар өткізілуде, HR менеджерлерінің қоғамдастығы құрылуда. Әлбетте, ҚТЖ мұндай шараларды өткізіп алмауға, тіпті олардың белсенді қатысушысы болуға тырысуда.  

ҚТЖ холдингтік құрылым болып табылады және компания ішінде персоналды басқарудың жаңа тәжірибесін жеткізу үшін «HR Time» сараптамалық клубы деп атайтын өз платформасын құру идеясы пайда болды.  

– Мұндай кездесулер қандай форматта өтеді?  

– Біз алдын ала арнайы бюрократиялық регламенттер мен процедуралар әзірлеген жоқпыз. Сондықтан форматқа қатысты қандай да бір шектеулер жоқ, басты критерий – клубтың барлық мүшелерінің мүдделеріне сай қолайлы жағдайлар жасау. HR Time алаңына тоқсанына бір рет HR мәселелеріне жетекшілік ететін «ҚТЖ» ҰК» АҚ филиалдары мен еншілес ұйымдарының жетекшілері шақырылады. Бірқатар кездесулерді біз «Қысқы бақта» оффлайн форматта өткіздік, ал көбінесе кездесулер барлығына мейлінше қолайлы болу үшін онлайн форматта өтеді.  

Өткен жылы шақырылған спикерлер арасында танымал мамандар болды. Онда «Қашықтан жұмыс істеуден алған тағылым» тақырыбындағы кейсімен «Қазатомөнеркәсіп» ҰАК» АҚ Адам ресурстарын басқару департаментінің директоры Ләззат Қожахметова, Beeline корпоративтік сату дирекциясының негізгі клиенттерді дамыту қызметінің басшысы Вячеслав Хван «Роботтар HR қызметінде» тақырыбындағы тәжірибесімен бөлісті. Ал Samruk Business Academy бас директорының бизнесті дамыту жөніндегі орынбасары Юлия Шива «Жеке өнімділікті басқару» тақырыбында ақпараттық сессия өткізіп, «Эйр Астана» АҚ Адам ресурстары және таланттарды басқару жөніндегі директоры Александра Штопел таланттарды басқару тәжірибесі туралы айтып берді.  

HR Time отырыстарының бірі кеңейтілген құрамда өтті, оған «Самұрық-Қазына» қорының Адам ресурстарын басқару департаментінің директоры Эльмира Каримова, сондай-ақ «Самұрық-Қазына» қорының барлық портфельдік компанияларының HR менеджерлері қатысты. Жиын тақырыбы еңбекақыдағы «учаскелік» коэффициенттерді теңестіру мәселесі бойынша сараптамалық қолдау болды. 

– Шынында, қызмет барысында қажетті, пайдалы дүниелер екен. Биыл да бұл дәстүр жалғасын табады ма?  

– Әлбетте жалғасады. Тіпті, биылғы жылдың «беташарын» жасап та жібердік. Үстіміздегі жылы кезекті «HR Time» сериясы «Shearwater Geoservices» компаниясының сейсмолог-инженері, тәлімгерлік бағдарламасының жоба жетекшісі Ғалия Садықовамен кездесуден басталды. Ғалия ханым тұсаукесерін өзі туралы баяндаудан бастады. Яғни үлкен компанияда қалай жұмыс істеп жатқаны және жаңа биіктерді бағындыруы, жұмыс барысында, кәсіби мамандарымен араласа жүріп өз компаниясында тағылымдама бағдарламасын ұйымдастыру идеясы келгені, т.т. туралы айтып берді. Айтуынша, ол өз әріптестерінің жұмыстарын талдай келе, олардың мықты және осал тұстарын бөліп алып, жобаны енгізу бойынша жоспар құрған. Ғалия үшін маңызды сәт – өз бағдарламасын компания басшылығы алдында таныстырып, қорғау болған. Оның бастамасы уақытылы қолға алынған қажетті дүние деп танылып, онымен дереу HR-блогының қызметкерлері байланысқа шыққан екен. Расында да, Ғалияның жеке табысы тарихының тұсаукесері аудиторияда ерекше қызығушылық тудырды, бұл компанияның кадр бөлімінің қызметкерлері үшін де тәрбиелік оқиға болды. Клуб мүшелері оның жоғары белсендiлiгi мен таңдаған iсiне адалдығын атап өтіп, қызықты әңгiмесі үшiн алғыс білдірді. Осылайша, біз «НR Time» клубы аясында кездесулер өткізудің оң тәжірибесі бар екенін байқадық және ол Компания әріптестері арасында өзін жақсы жағынан көрсетіп отыр.  

Қорыта айтсақ, «ҚТЖ» ҰК» АҚ HR командасы барлық шешімі бар міндеттер бойынша икемді ұстанымды ұстанып отыр. Сондай-ақ Компанияның негізгі бизнес-көрсеткіштеріне қол жеткізуге ықпал ету және операциялық тиімділікті арттыру мақсатында озық тәжірибелер мен Компанияның бизнес-қажеттіліктерін есепке ала отырып, бастамаларды құруға бағдарланған. Бір сөзбен айтқанда, HR қызметі заманауи сын-тегеуріндер мен трендтер туралы хабардар болып, уақыт көшіне үн қосуы керек. 

Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі
Темір жол тарихы
06.05.2025
Ешкім де, ештеңе де ұмытылмайды
Жаңалықтар / Мұрағат
06.05.2025
Қазақстан теміржолшысы газеті, №34-35 06 мамыр 2025 жыл