ҚТЖ-да персоналды аттестациялау нәтижесі нені көрсетті
«Қазақстан теміржолшысы» газетінің тілшісі
Компанияда аттестациялау рәсімін жетілдіру мақсатында былтыр Жұмысшыларды аттестациядан өткізу ережесіне өзгертулер мен толықтырулар енгізілді. Жыл қорытындысы бойынша компания әкімшілік персоналының ішінен 803 қызметкер аттестациядан өткен.
Соның нәтижесінде өз қызметіне олардың 93 пайызы лайықты деп танылған, бұл 747 адам. Ал қалған 6,6 пайызы, яғни 53 адам аттестациядан қайта өтеді. Өкінішке орай, 3 адам өз қызметіне лайықсыз деп танылды.
Биыл ҚТЖ-да персоналды аттестациялау үдерісін одан әрі жетілдіру жоспарлануда. Бұл туралы жақында ком- панияның кадр саясаты бойынша өткен жиында Адами ресурстарды басқару департаментінің бас менеджері Жанар Бейжанова баяндады. Оның айтуынша, компанияда жұмысшылардың қызметін бағалау жыл бойына жүзеге асырылады.
Осы ретте қызметкердің мақсат қоюы, сол мақсаттардың орындалу деңгейіне ұдайы мониторинг жүргізу, құзыреттілік бойынша бағалау және өзін-өзі бағалау, калибрлеу сессияларын жүргізу, нәтиже бойынша жұмысшы- лармен конструктивті және тұрақты кері байланыс орнату жұмыстары жүргізіледі.
Қызметті бағалау үдерісі кезең-кезеңімен енгізіледі. Алдымен жалақының грейдтік жүйесіндегі әкімшілік-басқару персоналы кіргізіледі, одан әрі еңбекақының тарифтік және сатылық жүйесіндегі еншілес ұйымдар мен филиалдардың жұмысшыларының қызметін жартыжылдық бағалау жоспарлануда. Былтыр алғашқы жартыжылдықта орталық аппарат жұмысшылары үшін бағалаудың осы түрі HR KPI жүйесінде автоматтандырылды. Бұрын бағалау қағаз түрінде қолмен жиналатын, бұл ұзақ уақыт алатын. Автоматтандырылған жүйенің енгізілуімен жинақтау үдерісі айтарлықтай қысқарған.