Төтенше жағдайға дайын

Жаңалықтар

31.05.2016, 12:06

Астана вокзалында №9 «Алматы – Астана» бағытындағы жолаушылар пойызында кездескен белгісіз күдікті науқасты анықтауға байланысты оқу-жаттығу өткізілді. Көліктегі тұтынушылардың құқықтарын қорғау департаментінің ұйымдастыруымен өткен оқу-жаттығу жолаушылар пойызында белгісіз «этиология безгегіне» күдікті науқасты анықтау кезінде эпидемияға қарсы және профилактикалық шаралардың барлық мүдделі қызметтерін пайдаланып жұмыс жасау мақсатында жүргізілген болатын. Сценарий бойынша 23 мамыр күні Астана уақытымен сағат 14:40-да Астана бекетінің станциялық диспетчеріне №9 «Алматы – Астана» бағытындағы жолаушылар пойызының басшысынан телефон бойынша №14 купелі вагондағы 35 жастағы В. деген жолаушыдан белгісіз «этиология безгегіне» күдікті аурудың белгілері жолсерікпен анықталғаны туралы хабарланды. Жолаушының дене қызуы 38,3⁰С-қа дейін жоғарылаған, терісінде бөртпе пайда болған және қалтырау мен әлсіреуге шағым білдірген. Аурудың табылғаны туралы ақпарат мемлекеттік органдар мен ұйымдардың барлық қатысты лауазымды тұлғаларына схема бойынша жеткізілді. Оқу-жаттығу барысында карантиндік-шектеулі шараларды жолаушылар пойызында ұйымдастыру бойынша және ауырған науқаспен байланыс жасаған адамдарды емдеу-профилактикалық ұйымдарға оқшаулауға және ауруханаға жатқызу бойынша медицина мекемелерінің, Астана станциясы мен вокзал қызметінің, пойыз бригадаларының өзара әрекеті мен жедел жауап қайтаруы туралы мәселелер қарастырылды. Барлық қатысты қызметтер карантиндік аурулардың таралуы мен әкелінуінің алдын алу бойынша эпидемияға қарсы және емдеу шаралары мен ұйымдастырылған кешенді жоспар аясындағы өз қызметтерін атқарды және әрекет алгоритмі өз уақытында рет-ретімен орындалды. Қызметтердің кез-келген уақытта орын алуы мүмкін төтенше жағдайға дайын екендерін байқатты. Оқу-жаттығуға департамент басшысының орынбасары Ф.Б.Бисмилдин, бөлім басшысы Айгүл Қаспарова, бас маман Айжан Жүнісова, жетекші маман Динара Әділхановалар қызу атсалысты.

Төтенше жағдайға дайын

Басқа да жаңалықтар

«Қазақстан теміржолшысы» газетінің 2025 жылғы 8 мамырдағы арнайы саны