«Самұрық-Қазына» АҚ портфелдік компаниялармен бірге корпоративтік деректерге талдау жасамақ
«Қазақстан теміржолшысы» газетінің тілшісі
«Самұрық-Қазына» АҚ-ның Корпоративтік қауіпсіздік департаменті және «ҚТЖ» ҰК» АҚ – «Автоматтандыру және цифрландыру дирекциясы» филиалының қызметкерлері деректерді талдау тақырыбында дөңгелек үстел өткізді, деп хабарлайды Rail-news.kz. Басқосуға қатысқандар қызметкерлердің кадрлық әлеуетін тұрақты дамыту, сондай-ақ микросервистік архитектураны құру және деректерді корпоративтік енгізуді дамыту тақырыптарын талқылады. «Самұрық-Қазына» АҚ-ның Стратегия, тұрақты даму және цифрлық трансформация жөніндегі басқарушы директоры Ерлан Дүрмағамбетов дата-центрлік тәсілге көшуге алғашқы қадам жасалғанын атап өтті. «Самұрық-Қазына» ҰӘҚ» АҚ-да деректерді басқару және талдау бойынша корпоративтік стандарт әзірленген.
– Ішкі құзыреттерді дамыту маңызды қадам болып табылады. Мұнда біздің портфельдік компаниялармен бірлескен жұмыс қажет. Деректер негізінде модельдер құрып, шешімдер ұсынып, заңдылықтарды іздей алатын барлық деңгейдегі талдаушылар қажет, – деп атап өтті Ерлан Дүрмағамбетов.