Ақмола көлік колледжі тағы 3 мамандық бойынша кадрлар дайындамақ

М.Тынышпаев атындағы Ақмола көлік колледжі – Қазақстан теміржолына маңызды 10 сала бойынша мамандар дайындайтын бірегей оқу орны. Логистика және көлік академиясының заманауи талаптарға сай, көліктік еңбек нарығында бәсекеге қабілетті, сұранысқа ие оқу орны саналатын білім ордасында биылғы жылы теміржол көлігі үшін жаңадан тағы 3 мамандық ашу жоспарлануда.

Сонымен қатар 5 мамандандырылған қысқа мерзімді курс оқыту көзделуде. Колледж теміржолға есеп және аудит, бағдарламалық қамтамасыз ету, электрмен жабдықтау, автоматика, телемеханика теміржол көлі- гіндегі қозғалысты басқару, темір жолдың тартқыш жылжымалы құрамын жөндеу және техникалық қызмет көрсету, ғимараттар мен құрылымдарды салу және пайдалану, автомобиль жолдары мен аэродромдарды салу және пайдалану, көпірлер мен көлік тоннельдері, темір жол құрылысы жол және жол шаруашылығы, теміржол көлігінде тасымалдауды ұйымдастыру және қозғалысты басқару салалары бойынша мамандар дайындайды. Ал жаңа оқу жылынан бастап ашылатын мамандықтар қатарында – көліктегі логистика, автомобильдер және автомобиль шаруашылығы, вагондар және вагон шаруашылығы салалары бар.

Жаңа мамандықтардың ашылуына байланысты жаңа зертханаларды құру және оларды инновациялық жабдықтармен жабдықтау қажет. Студенттер құрылғыларды теориялық тұрғыдан зерттейді, бірақ практикалық тәжірибесі жоқ, сондықтан жұмысқа қабылдау кезінде қиындықтар туындауы мүмкін. Осыған орай колледж зертханаларында станция кезекшісі, дөңес кезекшісі мен пойыз диспетчерінің пульт-таблосын орнату – бүгінгі таңда кезек күттірмейтін мәселе. Сондай-ақ, вагондар мен вагон шаруашылығының зертханаларын жабдықтау қажеттігі де күн тәртібінде.

«Оқу орнындағы болашақ теміржолшылардың өндірістік тәжірибеден өтуіне Қазақстан темір жолы да өз үлесін қосып отыр. "ҚТЖ" ҰК" АҚ құрылымдық бөлімшелері колледждің әлеуметтік серіктестері болып табылады. Жыл сайын әлеу- меттік патронаж негізінде шамамен 600 студент практикадан өтеді. Әлеуметтік ынтымақтастықтың 100-ден астам шарты жасалған. Әлеуметтік серіктестік нәтижесінде түлектердің 87% жұмысқа орналасқаны да үлкен жетістік. Сонымен қатар колледж Мәскеу темір жол колледжімен тікелей байланысты жұмыс істейді. Болашақта колледж базасында қолданбалы бакалавриат құру, материалдық-техникалық базаны жарақтандыру және дамыту, Қазақстанның көлік кешенінің қажеттілігі үшін сауатты және сұранысқа ие кадрлар шығару жоспарда қарастырылған», – дейді Логистика және көлік академия- сының қызметкері, техника ғылымдарының кандидаты Амангелі Молғаждаров.

М.Тынышпаев атындағы қазақ көлік және коммуникация академиясының базасында 2007 жылы қайта құрылған оқу орнына биыл 25 мамырда 15 жыл толады. Осы жылдар ішінде теміржол көлігі үшін 4000-нан астам орта буын маман дайындап, теория мен практиканы ұштастырған колледжде дуалды оқыту жүйесі енгізілді. Жоғары кәсіби оқытушылар құрамы, оқу және материалдық техникалық базасы жоғары. Оқу орнында 5 қабатты екі корпус бар. Бас корпуста оқу аудиториялары мен ағаш өңдеу және слесарьлық шеберханалар, зертханалар орналасқан. СтуВ АО «НК «ҚТЖ», по данным на 27 марта, ревакцинировались около 6 700 железнодорожников. денттерге арналған демалыс бөлмесі, 200 орындық жатақхана, кітапхана, оқу залы және асхана, оқу зертханалары жұмыс істеп тұр. Бұдан бөлек акт және спорт залдары, фрезерлік дәнекерлеу шеберханалары бар. Оқу кабинеттері мен зертханалар қажетті жабдықтармен және стендтермен, көрнекі құралдармен, компьютермен қамтамасыз етілген. Кітапхана қоры – 76,5 мың дана кітап, 40 орындық оқу залы студенттердің игілігінде, шағын футбол алаңы да бар.

Студенттерге практикалық сабақтарды "ҚТЖ" ҰК" АҚ өндірістік бөлімшелерінде колледж оқытушылары мен жоғары білікті мамандар жүргізеді. Атап айтқанда, Компанияның көлік технологиясы орталығы филиалы, "Вагон-Сервис" АҚ филиалы, Астана байланыс және белгі беру дистанциясы, "Қамқор-Локомотив" Астана локомотив-жөндеу депосы" ЖШС, Астана локомотив пайдалану депосы, Нұр-Сұлтан станциясы, Астана электрмен жабдықтау дистанциясы, т.б. Студенттердің тәжірибеден өтуін ұйымдастырғаны үшін Ақмола колледжінің басшылығы "ҚТЖ" ҰК" АҚ Астана локомотив пайдалану депосының бастығы Д.Ахмадиевке, Ақмола ЖТ бөлімшесі Нұр-Сұлтан станциясының бастығы Д.Жұмамолдаға алғыс білдіреді. Сонымен қатар Қырқыншы станциясының бастығы А.Черняйға, Қырқыншы станциясы бастығының шұғыл жұмыстар жөніндегі орынбасары Д. Батбановаға, Алматы-2 станциясының бас инженері Б. Шормаковқа, Нұр-Сұлтан станциясының бас инженері Р.Дәрібаевқа, "Вагонсервис" АҚ ЛВЧДР-9 (Астана) директоры Т. Саурбаевқа және жоғарыда аталған кәсіпорындардың басқа да басшылары мен мамандарына алғыс айтамыз, – дейді біршама уақыт білім ошағын басқарып, бірталай жаңалықтарды енгізуге ықпал еткен ғалым Амангелді Сәбденұлы.

Жыл сайын колледждің үздік студенттері логистика және көлік академиясының оқу зертханалық базасына барады. Президент-ректормен және профессорлық-оқытушылық құраммен кездеседі, жоғары білім беру ерекшеліктерін зерттеу үшін мамандықты таңдайды, оқушылар арасында кәсіптік бағдар беру жұмыстарын жүргізудің негіздерін зерттейді.