Нұрлы жол вокзалында есірткіге қарсы акция ұйымдастырылды
«Қазақстан теміржолшысы» газетінің тілшісі
Халықаралық нашақорлыққа қарсы күрес күніне орай Нұрлы жол вокзалында «Мықты отбасы – есірткіден алыс» атты акция өткізілді.
Нұр-Сұлтан қалалық Білім басқармасы, «Право» қоғамдық қоры, ҚР ІІМ көліктегі полиция департаменті мұрындық болған шараға вокзал кешені қызметкерлері бір кісідей қолдау білдірді. Іс-шараның басты миссиясы – елорда тұрғындары мен қонақтарын салауатты өмір салтын сақтауға шақырып, есірткі қолданудың теріс ұстанымын қалыптастыру, балалардың игілігі үшін отбасы негіздерін күшейту. Акция аясында өткен спорттық жарыстарға теміржол вокзалының тұрақты жұмысы мен қауіпсіздігін қамтамасыз етіп отырған қызметкерлердің отбасылары қатысты. Сонымен қатар көлік полициясы, прокуратура, жергілікті полиция қызметі, колледж студенттерінің күшімен мерекелік концерт өткізілді.