«ҚТЖ 100 жаңа есім» жобасының қатысушылары астанада бас қосты

Жаңалықтар
24.06.2022, 10:24
©Rail-news.kz
Райхан Рахметова

«Қазақстан темір жолшысы» газетінің тілшісі

«ҚТЖ» ҰК» АҚ-ның қабілетті жастарынан іріктеп алынған «ҚТЖ – 100 жас есім» жобасының аясында оқыту шаралары биыл пандемиядан кейін алғаш рет оффлайн жалғасын тапты. Жастар 22-24 маусым аралығында елорда төрінде бас қосып, үш күндік оқу тренингіне қатысты, деп хабарлайды Rail-news.kz.

Компанияның темір жол көлігі персоналын дамыту және бағалау орталығындағы дәрістің алғашқы күнін «ҚТЖ» ҰК» АҚ бас инженері Батыр Котырев сөз сөйлеп ашты.  

– Бүкіл қоғам сіздерге ҚТЖ-ның жас элитасы ретінде қарайды, осы құрамдағы жас теміржолшылар біздің компанияның «брендіне» айналуы тиіс. Сіздердің әрқайсыңызға осы жоба аясында айрықша мүмкіндіктер беріліп отыр, бұл сіздер үшін өндірістік трамплин деуге болады. Тұлға ретінде өсу үшін әрине әр адам ең алдымен өзімен жұмыс жүргізуі керек, яғни білім жетілдіру, түрлі машықтарды меңгеру қажет. Осы тұрғыда ҚТЖ ұсынып отырған жастардың білімін дамыту бағдарламасының берері мол, осы мүмкіндікті барынша пайдаланып, оны компаниядағы тиімді еңбек өндірісін дамытуға қолдана біліңіздер, – деді бас инженер. 

Тайминг барысында жас теміржолшылардың жан жақты дамуы үшін спикер ретінде шақырылған қонақ – шоумен, продюсер Азат Әбікен де жастарға мотивациялық бағытта әңгіме айтып, түрлі жобаларды жүзеге асырудағы кедергілерді қалай жою керектігі туралы кеңес берді. 

2020 жылы бағдарлама жеке кәсіби тиімділікті қалыптастыруға бағытталса, 2021 жылғы бағыты – ішкі тренерлер дайындауға негізделді, ал биылғы ерекшелігі – жобалық басқару, үнемді өндіріс құру мәдениетін қалыптастыру болып отыр. Компанияның адами ресурстарды басқару департаментінің бас менеджері Замир Серіковтің айтуынша, оқыту жобасы басталған екі жылда қатысушылар арасынан 21 жаңа ішкі тренер дайындалса, 61 жас қызмет баспалдағымен өсіп, биыл тағы 5 адамның лауазымы көтерілген. Құрылымдық бөлімше басшыларының 91,5 пайызы жоба қатысушылары өз құзіретін арттырды деп есептейді. 

- Жобадағы жастардың 30 пайызы ағылшын тілінен деңгейін көтерді. Барлық жастар «2020 Қайырымды іс», «Корпоративтік блогер мектебі» жобаларына қатысты. Былтыр «Жолаушылар тасымалы» АҚ 100 жас есім» жобасы іске қосылды, – деді З. Серіков. 

Бағдарламаның бірінші күніндегі шаралар «Эко тренинг» тимбилдингімен жалғасты. 4 кезеңнен тұрған шарада қатысушылар лабиринттен шығу, әлем картасын құрастыру, жұмбақ шешу т.т тапсырмаларды орындады. Екінші күні «Тұрақты даму», «Үнемді өндіріс», «Жобаны жүзеге асыруда жобалық басқару машықтары» семинарлары өткізіліп, оған тренер ретінде Наталья Кузетова, Гүлмира Мұқанова, Аделина Черкасская қатысты. Үшінші күні компанияның HR Академиясының қорытынды «HR ALANY» модулі ұйымдастырылды. Компанияның аппарат басшысы Серік Кеулімжаев, «Заманауи әлемдегі HR» панельдік сессиясында «Самұрық-Қазына» ҰӘҚ АҚ Адами ресурстарды басқару департаментінің директоры Эльмира Каримова, «ҚТЖ-Жүк тасымалы» АҚ бас директорының экономика және қаржы жөніндегі орынбасары Шолпан Омарбекова жастарға бағыт-бағдар беріп сөз сөйледі. 

TED TALKS сессиясында қатысушылар жеке бас тарихын баяндады. Бұл сессияда Ақмола ЖТ бөлімшесі жоспарлау-экономикалық бөлімі бастығының орынбасары Людмила Коба, «ҚТЖ-Жүк тасымалы» ЖШС бас менеджері Алтынай Қосақова, «Теміржолсу» АҚ HR және қамтамасыз ету департаментінің бас менеджері Зара Дүйсенғалиева, Көп функционалды қызмет көрсету орталы филиалының бас менеджері Майраш Еділова, «Ақтау теңіз сауда порты» ҰК» АҚ адами ресурстарды басқару департаментінің директоры Назира Шегенбаева тағы басқаларға сөз берілді. 

Ал «Жанды кітапхана» сессиясында қатысушылар өзара тәжірибесімен бөлісті. Бұл бөлімде «Тиімділікті басқару», «HR талдау», «Ішкі коммуникациялар», «Эмоциноналды интелект», «Тәлімгерлікті дамыту бойынша жоба» тақырыптарында қатысушылар жұмыстарына ерекше назар аударылды. Іс-шара соңында «Жас Өркен» бағдарламасының тәлімгерлері мен үздік HR мамандары арнайы сертификаттармен марапатталды.

Спорт
10.08.2022
Шеберлік сынға түсті
Аймақтар
10.08.2022
Құрметті теміржолшыға мекеме ғимаратында ескерткіш тақта орнатты
Әлеумет
10.08.2022
Қандыағаш станциясында «Өнерлі теміржолшы» байқауы өтті
Жаңалықтар
10.08.2022
Қоғамдық бақылау қажет
Әлеумет
09.08.2022
Жергілікті жобаларға басымдық беріледі
Сұхбат
09.08.2022
«Қиындығын емес, қызықты сәттерін есте сақтаймын...»
Аймақтар
09.08.2022
Үздіктерді үлгі етті
Аймақтар
09.08.2022
Достық станциясының теміржолшыларын құттықтады
Аймақтар
09.08.2022
Түбек теміржолшыларына құрмет
Аймақтар
09.08.2022
Семейде майталман теміржолшылар марапатқа кенелді
Аймақтар
09.08.2022
Адал еңбекке алғыс
Жаңалықтар
09.08.2022
Ел экономикасының локомотиві
Жаңалықтар
09.08.2022
Мәртебелі марапат иелері
Аймақтар
09.08.2022
Атыраулықтар теміржолшылар кәсіби мерекесін биыл да ерекше ықыласпен қарсы алды
Жаңалықтар
09.08.2022
«Жәрдем» және «Саламатты Қазақстан» медпойыздары 60 мың адамды қамтымақ
Инфрақұрылым
09.08.2022
Бейнеуден Тассайға дейін
Жаңалықтар
09.08.2022
Көпшілік назарына ұсынылды
ҚТЖ келбеті
09.08.2022
Қашағанға қызмет көрсетеді
Жаңалықтар
09.08.2022
Тасымалға тапсырыс артқан
Жүк тасымалы
09.08.2022
Транзит: контейнерлік пойыз өтті