Теміржолшылар қауіпті аймақта тәртіп ережесін бұзғандарға айыппұлды үш есеге арттыруды сұрады
Теміржолшылар пойыз жүретін қауіпті аймақта тәртіп ережелерін бұзатындар үшін әкімшілік айыппұлды үш есеге арттыруды сұрайды. Бұл туралы Алматы өңірлік коммуникациялар қызметінің алаңында өткен брифингте Алматы жол бөлімшесінің бас инженері Александр Игошен айтты.
«Темір жолдары арқылы белгіленбеген жерлерде өтіп, темір жол жолағында мал жайғаны үшін әкімшілік айыппұлдарды қолданыстағы үш АЕК-тен онға дейін арттыруды ұсынамыз», - деді Дархан Абдуллаев.
Темір жол бойында қараусыз жайылып жүрген мал көбінесе теміржол көлігінің қалыпты жұмысының бұзылуына себеп болады. Мал басу оның өліміне ғана емес, сонымен қатар локомотив пен жолдардың зақымдануымен байланысты теміржолдың қаржылық шығындарына әкеледі. Бұндай жағдайлар жүк және жолаушылар пойыздарының кідіруі мен кешігуіне себеп болып отыр.
Алматы жол дистанциясының бас инженері Дархан Абдуллаев осы жылы жол дистанциясы қызметкерлерінің күшімен 77,4 км көлемінде мал қоршауын салу жоспарланғанын атап өтті. Қазіргі уақытта жалпы ұзындығы 1648,1 км, яғни жалпы ұзындықтың 70,5%-не сым қоршау тартылған.