Теміржолшылар әріптестерін зейнеткерлікке құрметпен шығарып салды

Жаңалықтар
21.10.2022, 10:31
Суретті түсірген автор
Шахида Жұман

Маңғыстау облысы бойынша меншікті тілші

Маңғыстау локомотив пайдалану депосының ұжымы қос бірдей әріптесін зейнеткерлікке шығарып салды. Екі ардагерге ұлттық дәстүрмен шапан жауып, сый-құрмет көрсетіліп, ұзақ жылғы бейнеттің зейнетін көріңіздер деген тілек айтылды.

Депо ардагерлерінің қатарын толықтырып отырған жандардың бірі тәжірибелі машинист Сағынбай Орынбайұлы болса, екіншісі – тепловоз жөндеушісі Жандос Ниязов. Екеуінің де жалпы теміржол саласына, соның ішінде Маңғыстау депосына сіңірген еңбегі зор. Сағынбай ағамыз ғұмырының 36 жылында темір тұлпарды тізгіндесе, Жандос Рзабекұлы алтын қолды шеберлер қатарынан. Бірі тепловоздардың тоқтаусыз жүрісін қамтамасыз етсе, екіншісі сол темір тұлпарлардың ақаусыз жүруі үшін күш салды. Сондықтан әріптестер екі бірдей таңдаулы маманмен қимай қоштасып, олардың ұжым өміріндегі орны ерекше екенін жеткізіп, еңбектеріне алғыс айтты. Теміржолшы кәсібінің қыр-сырын үйреткен ұстаздарына деген ыстық ілтипатымен шәкірттері де бөлісті.  

Қарақалпақстанның Қоңырат қаласында көмекші машинист болып еңбек жолын бастаған Сағынбай Орынбайұлы атамекенге 2002 жылы көшіп келіп, содан бері Маңғыстау депосында машинист болып Маңғыстау-Сайөтес, Маңғыстау-Жаңаөзен бағытында жүк пойыздарын жүргізді. Үшінші, екінші класты біліктілік дәрежелерін алды. 2012 жылы «Үздік маман» атанды. Бірнеше құрмет грамотасы, алғыс хаттардың иегері.  

Түркіменстанда туып-өсіп, 2002 жылы елге оралған Жандос Ниязов та Маңғыстаудағы өмірін теміржолмен байланыстырды. Депоның ТҚК-2 цехында төртінші разрядты аккумулятор жөндеушісі болып бастап, разрядтары өсе келе нағыз жөндеуші шеберге айналды. «Ерен еңбегі үшін» төсбелгісімен, алғыс хатпен марапатталған.  

 

Жүк тасымалы / Апта саны
13.05.2025
ҚТЖ желісінде жүк тасымалы 4,5%-ға артты
Сұхбат
13.05.2025
Қанат ӘЛМАҒАМБЕТОВ: «Шиеленісті жағдайды уақытылы шешуге мүдделіміз»
Аймақтар
13.05.2025
Ғибратты ғұмыр
Аймақтар
13.05.2025
Жүз жасаған кейуана
Станция тынысы
13.05.2025
Болашақ станциясы өсім жолында: жаңа дәреже – жаңа міндеттер
Аймақтар
13.05.2025
Теміржолшылар Жеңіс күні бірлік пен рухты паш етті
Жаңалықтар / Мұрағат
13.05.2025
Қазақстан теміржолшысы газеті, №36 13 мамыр 2025 жыл
Жүк тасымалы
12.05.2025
Қытайдан Орталық Азия елдеріне контейнерлік тасымал 104%-ға өсті
Жаңалықтар
12.05.2025
Қазақстан бидайы алғаш рет БАӘ нарығына шықты
Жаңалықтар
12.05.2025
Алты ел еуразиялық дәлізді қалыптастыру барысын талқылады
Спорт
12.05.2025
Бес вагон сүйреп рекорд орнатты
Аймақтар
12.05.2025
Шымкент вокзалы маңындағы алып сағат қайта іске қосылды
Жүк тасымалы
12.05.2025
Қазақстан, Өзбекстан және Тәжікстан теміржолшылары жүк тасымалдау көлемін ұлғайтуды талқылады
Әлемде
12.05.2025
Қырғызстанда Қытай – Қырғызстан – Өзбекстан бағыты бойынша алғашқы тоннельдің құрылысы басталды
Әлемде
12.05.2025
CAF компаниясы жаңа Oxygène электр пойызын таныстырды
Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы