Рысбике – өткел кезекшісі

Суретті түсірген автор
Қосұйым Мұқашев

Атырау облысы бойынша меншікті тілші

Теміржол тармақтары көбейіп, автокөліктер саны еселеп артып, қозғалыс жиілеген сайын теміржол мен автожолдар қиылысындағы өткелдерде қауіпсіздікке ерекше назар аударылады. Яғни теміржолшылар үшін өткелдер қауіпсіздігі бірінші орында деуге болады. Осы орайда өткел кезекшілерінің жауапкершілігі арта түсері анық.

Атырау жол дистанциясының 515-ші өткелі арқылы тәулігіне 4-5 жұп жүк пойызы өтеді. Жүк пойыздары Ақжайық станциясында сұрыпталып, қайтадан кері қайтады. Міне, осы өткел кезекшісі Аманова Рысбике станция кезекшісінің хабарламасымен және кей пойыздарды сигнал арқылы қабылдап, өткізіп отырады.  

515-өткел – вокзал маңы, қаланың шет жағы болғанымен қозғалыс көп, автокөлік өте жиі жүреді. Күніне ерсілі-қарсылы жүздеген көлік өтіп, пойыздар Ақжайық станциясына күні-түні келіп-кетіп жатады. Бұл маңда кірме жолдар да көп. Соларға бару үшін пойыздар маневр жасайды, сол кезде көлік кептелісі көбейеді. Рысбикенің міндеті – пойыздарды кідіртпей өткізіп отыру. «Өтпе кезекшісі болу оңай емес. Өте жауапты жұмыс. Бүгін жұмысқа күндізгі ауысымға түстім. Жұмыс уақыты – 12 сағаттан. Жұмыс ауыр, қозғалыс қалың. Әсіресе, таңғы сегіз бен тоғыздың арасында және кешке жұмыс уақыты аяқталар кезде қалаға кіретін-шығатын көлік көп, бәрі қалаға жұмысқа барады, кешкісін үйлеріне қайтады. Біз пойыз келерден 2-3 минут бұрын жолды жабамыз. Пойыз өтем дегенше кейбір жүргізушілер сигнал беріп, шыдамы жетпей жатады. Бірақ біз үшін қауіпсіздік – ең басты талап. Оны сақтау – біздің міндетіміз», – дейді Р.Аманова.  

Рысбике ұзақ жылдар Атырау жол дистанциясының Мұқыр телімінде жол жөндеуші болып жұмыс жасаған. «Жолдасым Мәлік екеуміз Қызылқоға ауданы Мұқыр станциясы теліміндегі 279-разъезде жол жөндеуші болып жиырма жылдың үстінде жұмыс істедік. Жол жөндеушінің жұмысы оңай емес екені белгілі. Соның ішінде қысы-жазы, күні-түні жол күтімін жасау әйел адамға қиын екен. Содан балалар өсіп келеді, оларды оқытып, тоқытып, болашағын ойлау керек деп 2010 жылы қалаға көшіп келдік. Мен ҚТЖ компаниясының әйел адамдарды ауыр жұмыстан шығару жайлы арнайы бағдарламасына орай осы өткелге кезекші болып ауыстым. Өткел кезекшісі болу физикалық тұрғыдан жол жөндеушіге қарағанда жеңіл деуге болар, бірақ жауапкершілігі жоғары. Әрине, зейнет жасы әйелдер үшін 58 жас болғанда, былтырдан зейнеткерлікте болар едім. Өкінішке қарай, оны созып жібергені біз секілді өмір бойына ауыр жұмыс жасағандар үшін оңай тиіп жатқан жоқ. Денсаулық сыр берді. Енді 61-ге дейін «шықпа жаным, шықпа» деп жүреміз. Зейнетке шыққанша жұмыс жасауға осылай мүмкіндік беріп, қамқорлық жасап отырған Компанияға рахмет, енді осы жерден зейнетке шығамыз деген үмітіміз бар. Алдымен бала-шағамыз аман болсын, солардың қызығын көруге жазсын. Алда 8 наурыз мейрамы, соған орай қазақ әйелдерінің барлығына бақыт тілеймін», – дейді төрт баланың анасы, немерелерінің әжесі Рысбике Аманова.  

 

Жаңалықтар
30.07.2025
"ҚТЖ" ҰК" АҚ және TCDD Taşimacilik A.Ş. Орта дәлізді дамыту жөнінде келісті
Инфрақұрылым / Әлеумет
30.07.2025
Ірі құрылыс жобалары 12,8 мыңнан астам адамды жұмыспен қамтып, өңірлер экономикасына серпін беруде
ҚТЖ келбеті
30.07.2025
Ерлік емей, немене?!
ҚТЖ келбеті
30.07.2025
Әке жолын жалғаған ұл
ҚТЖ келбеті
30.07.2025
Талабыңа нұр жаусын, Ержан!
Жаңалықтар
30.07.2025
ҚТЖ жүк тасымалының өсуіне байланысты машинист көмекшілерін қабылдауды ұлғайтты
Жолаушылар тасымалы
30.07.2025
«Астана – Бурабай курорты» бағыты бойынша қосымша электр пойызы іске қосылды
Жаңалықтар
30.07.2025
ҚТЖ мен Мерсин халықаралық порты Орта дәлізді дамыту аясындағы ынтымақтастықты талқылады
Жолаушылар тасымалы
29.07.2025
“Алматы-3” теміржол вокзалының құрылысы: Жоба қай кезеңде?
Жаңалықтар / Апта саны
29.07.2025
ҚТЖ-да қозғалыс қауіпсіздігін бұзу 4% қысқарды
Жолаушылар тасымалы
29.07.2025
Жолаушылар тасымалы жартыжылдық жұмысын қорытындылады
Сұхбат
29.07.2025
Қырықбай ӘЛСЕЙІТҰЛЫ: Теміржол саласында тағы бір жарқын кезең басталды
Станция тынысы
29.07.2025
Сағыз станциясы – құрылыс жүктерінің күретамыры
Инфрақұрылым
29.07.2025
Ақтөбе облысында жеті вокзал жөнделіп жатыр
Аймақтар
29.07.2025
Қырағылық – кәсібилік белгісі
Аймақтар
29.07.2025
Маңғыстау магистральдық желісінде 17 нысанға жөндеу жұмыстары жүргізілуде
Әлеумет
29.07.2025
Елордаға саяхат
Жаңалықтар / Мұрағат
29.07.2025
Қазақстан теміржолшысы газеті, №57-58 29 шілде 2025 жыл
Спорт
28.07.2025
ҚТЖ-ның «Railways team» командасы «Summer Relay 2025» жарысында жүлдегер атанды
ҚТЖ келбеті
28.07.2025
Сайыс өте қызық әрі қиын болды – Жасұлан Смағұл

Басқа да жаңалықтар