Магистральдық желі дирекциясы әйел қызметкерлерін мерекемен құттықтады

«ҚТЖ» ҰК» АҚ «Магистральдық желі дирекциясы» филиалының директоры Сәкен Рахметов бастаған ұжымның ер азаматтары әйелдер қауымын 8 наурыз мерекесімен арнайы құттықтады. Нақтырақ айтқанда, елордада ҚТЖ бас ғимаратының Б блогында отырған филиалдың бірнеше департаменттеріндегі нәзік жандарды құттықтау үшін ерлер қауымы 20-шы қабаттан бастап 4-ші қабатқа дейін аралап шықты.  

Филиал директорының айтуынша, жалпы еліміздің барлық өңірлеріндегі дирекцияның бөлімшелерінде 6606 әйел еңбек етеді. Соның ішінде 277 әйел елордадағы бас ғимаратта қызмет етуде. 20 қабатта филиалдың Жол және құрылыстар департаменті отырса, 19 қабатта қаржы департаменті мен инвестициялық даму департаменті қызметкерлері жұмыс істейді. Сол сияқты басқа да қабаттарда дирекцияның экономика, энергетика және электрмен жабдықтау,  техникалық даму, автоматика, телемеханика және телекоммуникация, вокзал шаруашылығы, құжаттамалық қамтамасыз ету және тағы басқа департаменттері мен бөлімдері орналасқан. Осы департаменттердегі әйелдерді әр қабаттың фойесінде жинап, мерекемен құттықтаған ерлер қауымы оларға гүл шоқтарын сыйлап, ақ тілектерін арнады. Бірқатар департаменттерде үздік әйел қызметкерлер Алғыс хаттармен марапатталды.  

– Құрметті әйелдер қауымы, сіздерді төл мерекелеріңізбен құттықтай отырып, дендеріңізге саулық, отбасыңызға амандық, қызметте табыс тілеймін! Бізде әйел қызметкерлердің көп екенін ескере отырып, сіздерді арнайы келіп құттықтауды жөн көрдік. Ортамызда гүлдей жайнап жүре беріңіздер!, – деді С. Рахметов.