Тамаша «тосынсый» болды

Атырау жүк тасымалы бөлімшесі кәсіподақ ұйымының ұйымдастыруымен мереке қарсаңында қыздардың жұмыс үстеліне гүл шоқтары мен мейрамханаға шақыру билеті қойылды.

«Таңертең жұмысқа келгенде қыздарымыздың алдында бір шоқ гүл тұрса, мерекелік көңіл-күй қалыптастырып, қуаныш сыйлайтыны сөзсіз. Сондай-ақ соңғы жылдары пандемия әсерінен корпоративтік рухты көтеру жағы кенжелеп қалғанын ескеріп, әйелдер қауымын мейрамханаға шақырып сыйлауды ұйғардық», – дейді кәсіподақ жетекшісі Боранбай Қамиев.  

Сонымен қатар, барлық нәзікжанды қызметкерге 5 мың теңгеден таратылып, халықпен тығыз қарым-қатынаста жұмыс жасайтын вокзал шаруашылығы қыздарына сән үйіне сертификат, ұжымға қысқатолқынды пеш сыйға берілді.