Қазақстан мен Әзербайжан арасындағы жүк тасымалы 40%-ға ұлғайды
2022 жылы Қазақстан мен Әзербайжан арасындағы темір жол көлігімен тасымалының жалпы көлемі 2021 жылмен салыстырғанда 4 есеге өсіп, 3 млн тоннадан асты, деп хабарлайды Rail-news.kz.
Әсіресе астық, тау-кен металлургия өнімдерін тасымалдауда өсім байқалды. Ең жоғары өсім – Қазақстаннан, оның ішінде Әзірбайжан арқылы экспорт 7 есе артып, 2,7 млн тоннаны құрады.
2023 жылдың 1 тоқсанында елдер арасындағы тасымал да оң серпін көрсетіп, өткен жылдың сәйкес кезеңімен салыстырғанда 40% астамға ұлғайды.
ТХКБ қатысушылары арасындағы операцияларды синхрондау мақсатында Әзербайжан тарапымен бірлесіп қозғалысты жоспарлау және үйлестіру үшін виртуалды диспетчерлік орталық құрылды, бұл жүктердің қозғалысы туралы еларалық ақпарат алмасуды жақсартуға мүмкіндік береді.
Жалпы, тараптар ТХКБ дәлізін ынталандыру бойынша белсенді жұмыс жүргізуде. "ҚТЖ" ҰК" АҚ үшін Транскаспий халықаралық көлік бағдарының әлеуетін ашу дамудың басты векторларының бірі болып табылады.