Президент Челябі – Болашақ – Иран бағытында жүрдек жүк пойыздарын іске қосуды ұсынды

Жаңалықтар
26.05.2023, 15:16

Мәскеудегі Жоғары Еуразиялық экономикалық кеңес отырысына қатысқан Қасым-Жомарт Тоқаев интеграциялық дамудың маңызды бағыты жаңа халықаралық көлік тораптарын құру екенін айта келе Челябі – Болашақ – Иран теміржол магистралімен жүрдек жүк пойыздарын іске қосуды ұсынды, деп хабарлайды Rail-news.kz.

Қасым-Жомарт Тоқаевтың айтуынша, экономикалық одақ түптеп келгенде, Еуропа мен Азия, жаһандық оңтүстік пен солтүстік арасындағы байланыстырушы буынға айнала алады.  

«Біз Ресей Федерациясының ҚХР, Үндістан, Пәкістан, Иран, Таяу Шығыс және Оңтүстік-Шығыс Азия елдері бағытында дәліздер қалыптастыру ниетін құптаймыз. Транскаспий бағытымен ұштастыра отырып, Солтүстік – Оңтүстік көлік дәлізін дамыту қажеттігі туралы ой пісіп-жетілді деп ойлаймын», - деді Қасым-Жомарт Тоқаев Жоғары Еуразиялық экономикалық кеңес отырысында.

Осыған байланысты Қ.Тоқаев Қазақстанның барлық мүмкіндіктері мен ресурстарын жұмылдырып, ЕАЭО-ның сенімді логистикалық хабы болатынын жеткізді.

«Тақырыптық бастама ретінде Челябі – Болашақ – Иран теміржол магистралімен жүрдек жүк пойыздарын іске қосуды ұсынамыз. Бұл үшін Челябинскіде жүк жинақтайтын орталық ашып, «Солтүстік – Оңтүстік» көлік дәлізінің қазіргі инфрақұрылымын пайдалануға болады. Біз өзіміздің Бейнеу – Маңғыстау темір жол желісіндегі және Бейнеу – Шалқар автокөлік жолындағы талапқа сай келмейтін учаскелерді қайта салуға әзірміз. Тиісті жүк тасымалы ағынын қалыптастыру үшін күш жұмылдыру маңызды. Сол себепті Қазақстан мұны сөзсіз іске асырады. Бақты – Аягөз темір жол құрылысын өзара тиімді ынтымақтастығымыздың нақты мысалы деуге болады. Оның іске қосылуы Қазақстанның да, Ресейдің де Қытай бағытына жөнелтетін жүк көлемін айтарлықтай арттыруға мүмкіндік береді», - деді Мемлекет басшысы.

Сондай-ақ, Қасым-Жомарт Тоқаев Иран мен Түрікменстанның теңіз және құрғақ порттарында инфрақұрылым салуға бірлескен инвестициялар қарастыруға болатынын айтты. Бұл мүше мемлекеттердің экспорт географиясын едәуір кеңейтеді және логистикалық мүмкіндіктерін нығайтады.

«Физикалық инфрақұрылымды дамытумен қатар тауарлар транзитінің жалпы цифрлық жүйесін құру шешімдерін әзірлеу өте маңызды. Ол сенімді, бірақ қолдануға оңай және озық цифрлық технологияларға негізделуі керек. Электронды пломбаларды, жедел ақпарат алмасудың кепілдік жүйесін пайдалану, «Е-терезе» жүйесін дамыту мәселелерін шешу қажет. Бұл шаралар тауар ағынын жылдамдататын және жеткізу тізбегін оңтайландыратын ортақ цифрлық мультимодальды дәліз құруға мүмкіндік береді», - деді Президент.

 

Жаңалықтар / Жолаушылар тасымалы
16.07.2025
Комиссия туристік пойыздардағы заң бұзушылықтарды анықтады
Аймақтар
16.07.2025
Қандыағашта теміржол вокзалы жөнделіп жатыр
Әлемде
16.07.2025
Қытай жүрдек пойыздар желісінің жылдамдығы мен ұзындығын арттыруда
Жүк тасымалы
16.07.2025
Қазақстан бидайы Қытай арқылы Вьетнамға темір жол көлігімен жөнелтілді
Жүк тасымалы
15.07.2025
Қытайдан Әзербайжанға аттанған алғашқы жүк пойызы Қазақстан арқылы өтеді
Жаңалықтар
15.07.2025
ҚТЖ машинистері теміржол өткелдерінде ондаған ЖКО-ның алдын алды
Аймақтар
15.07.2025
Жамбылда ревизия нәтижелері жарияланды
Әлеумет
15.07.2025
Жаз жайнатып, күн күлдірген...
Әлеумет
15.07.2025
Теміржолшыға шұғыл көмек қажет
Аймақтар
15.07.2025
Семей станциясы топ жарды
Жолаушылар тасымалы
15.07.2025
«Burabay Express» электропойызы іске қосылды
Жаңалықтар / Мұрағат
15.07.2025
Қазақстан теміржолшысы газеті, №53 15 шілде 2025 жыл
Әлеумет
14.07.2025
Медициналық пойыз БҚО-да 7 мыңнан астам тұрғынға көмек көрсетті
Аймақтар
14.07.2025
Ақтауда Қытай компанияларының қатысуымен ірі логистикалық хаб құрылады
Аймақтар
14.07.2025
Қазақстандық жолсеріктер Deutsche Bahn тәжірибесін үйренуде
Аймақтар
14.07.2025
Елдің ықылысы – еңбектің өтеуі
Әлеумет
14.07.2025
Вокзалдағы кәсіпкерлердің құқықтары қорғалады
Жаңалықтар
14.07.2025
Теміржолшылар "Taza Qazaqstan"республикалық бастамасы аясында эко-сенбілік өткізді
Жүк тасымалы
14.07.2025
Қазақ транзитінің жаңа дәуірі басталды – сарапшы
Жаңалықтар
14.07.2025
ОА мен Оңтүстік Азияны жалғайтын теміржолға қатысты құжатқа қол қойылды