ҚТЖ-да балалар мерекесі кеңінен атап өтілді

Жаңалықтар
02.06.2023, 12:08
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

«ҚТЖ» ҰК» АҚ Халықаралық балаларды қорғау күнін кең көлемде атап өтті. Бір апта бойы ұлттық компания мен оның еншілес мекемелерінде еңбек ететін жүз мыңдаған теміржолшылардың балалары үшін түрлі форматта мерекелік шаралар өтіп, тәттілер таратылды.

1 маусым күні ҚТЖ бас офисінде компания қызметкерлерінің 1-14 жас аралығындағы 4 мыңнан астам балалары жиналып, арнайы дайындалған концертті тамашалады. Сонымен қатар балдырғандарға сабынды көпірік ойыны ұйымдастырылып, интерактивті шаралар да өткізілді. Балаларды түгел қамту үшін бағдарлама 4 кезеңге бөлініп ұсынылды. Таңертең 10:00 – 11:30, 12:00 – 13:30 аралығында өтсе, түстен кейін 14:00 – 15:30 және 16:00 – 17:30 аралығында ұйымдастырылды. Әр бағдарлама ұзақтығы 1,5 сағатты құрайды. Мерекелік бағдарлама компания бас ғимаратының мәжіліс залында өткізіліп, мазмұны заманауи кино кейіпкерлерін сахналау арқылы кішкентай көрермендерге ерекше қызықты болды. Әсіресе, балаларға жақын «Wednesday» кино кейіпкерінің образы мен оның балдырғандарға таныс биі ерекше тартымды болды. Ұйымдастырушылар сиқыр әлеміне де саяхат жасатып, бұл шоуға балалар мен олардың ата-аналарының да қатысуына мүмкіндік берді. Жалпы компанияда 17 жасқа дейінгі балаларға 170 мыңнан астам балаға іс-шаралар ұйымдастырылады.  

Балалар мерекесіне орай биыл «ҚТЖ-Жүк тасымалы» ЖШС-нің барлық бөлімшелерінде «Ашық есік күні» ұйымдастырылғаны да ерекше бастама болды. Өзге уақытта рұқсатсыз баруға болмайтын теміржолдың өндірістік нысандарына барған балалар экскурсия барысында ата-аналарының жұмыс орнында болып, негізгі теміржол мамандықтарымен танысты.  

Еңбек ұжымдарында эмоционалды-мерекелік көңіл күй қалыптастыру мақсатында ҚТЖ көлемінде бастау алған «Жас теміржолшы» челленджіне үн қосуды әрбір ұжым қуана іліп алып кетті. Арнайы теміржолшы формасын киген балақайлар өндіріс орындары мен мұражайларды аралап, теміржолдың алғашқы әліппесімен танысты. Жолшы, вагон қараушы, станция кезекшісі, жолсерік, т.б. формаларын киген кішкентай теміржолшылар суретке түсіп, балмұздаққа тойды. Жалпы, барлық ұжымдарда кәсіподақ ұйымдарының бастамасымен балаларға тәттілер, арнайы дайындалған сыйлықтар табысталды.  

Сондай-ақ, «Қазкөліккәсіп» ҚБ теміржолшылар балалары үшін музейде экскурсия және «Теміржол музейі балалар көзімен» деген тақырыпта балалар арасында сурет байқауын ұйымдастырды. Кәсіподақ ұйымы төрағасының орынбасары Бақытжан Қуанышев балаларды мерекемен және жазғы демалыспен құттықтап, оларға естелік сыйлықтар тарту етті.  

 

Жүк тасымалы
21.10.2025
Тоқаев: Былтыр Транскаспий бағытымен жүк тасымалдау көлемі 62 пайызға өсті
Жаңалықтар
21.10.2025
Тоқаев пен Ильхам Әлиев Орта дәлізді дамыту жобасымен танысты
Жаңалықтар / Жолаушылар тасымалы
21.10.2025
«Поттер пойызы» қазақ тіліндегі жаңарған бағдарламасымен және жаңа кейіпкерлерімен жолға шығады
Жаңалықтар
21.10.2025
Білім ордасына – 80 жыл
Сұхбат
21.10.2025
Қыс маусымы: Еңбек қауіпсіздігіне ерекше назар
ҚТЖ келбеті
21.10.2025
Еңбекпен өрілген өмір: Бахтарбек Жүнісовтың еңбек жолы
Жолаушылар тасымалы
21.10.2025
ҚТЖ жолаушыларына арналған ТОП-5 қолайлы сервис
Аймақтар
21.10.2025
Ұлт руханиятының қайнар көзі
Жаңалықтар / Мұрағат
21.10.2025
Қазақстан теміржолшысы газеті, №87 21 қазан 2025 жыл
Қауіпсіздік
20.10.2025
Таразда болашақ теміржолшыларға қауіпсіздік сабақтары өтті
Жаңалықтар
20.10.2025
ҚТЖ басшылығы Stadler зауытында болды
Аймақтар
20.10.2025
Тазалық акциясы тоқтамайды
Аймақтар
20.10.2025
Ақмола теміржолшылары 7,2 млн тонна жүк тиеді
Әлемде
20.10.2025
Үндістан 7000 км жоғары жылдамдықты теміржол желісін салмақ
Жүк тасымалы
20.10.2025
Темір жолдағы серпін: 9 айда 339 млн тонна жүк тасымалданды
Жолаушылар тасымалы
20.10.2025
Арқалық-Державинская бағытында жаңа қала маңы пойызы іске қосылды
Аймақтар
19.10.2025
Орал қаласының вокзалын қайта жаңарту тұрақты бақылауда
Жаңалықтар
18.10.2025
ҚТЖ: балалармен бірге табиғат үшін!
Жаңалықтар
17.10.2025
«Таза Қазақстан: теміржолшылар 90 мыңнан астам ағаш отырғызды
Жаңалықтар
17.10.2025
Оқытушылар құрамы ҚТЖ-да тағылымдамадан өтті