Ғасыр жасаған теміржолшы
Жаңалықтар
28.04.2017, 15:13
Соғыс және еңбек ардагері, қандыағаштық теміржолшы Артем Проскурня 100 жасқа толды. Отыз жылдан астам уақыт Қандыағаш байланыс және белгі беру дистанциясында еңбек еткен қарияның ғасырлық тойына Ақтөбе жүк тасымалы бөлімшесінің басшылығы арнайы барды.
Артем ақсақал тың, денсаулығы жақсы. Қандыағаштағы мейрамханаға өз аяғымен келді. Мерейтой иесін құттықтауға жергілікті билік өкілдері, теміржолшылар қауымы көп жиналды. Дастархан басында ақ тілектер ақтарылып, сый-сыяпат жауды. Ақтөбе жол бөлімшесі басшылығы да өз кезегінде қарияға шапан жауып, кәсіподақ комитеті мен Алға станциясының басшылары, Қандыағаш жол дистанциясының өкілдері жүрекжарды тілектерін білдірді. Аға буын теміржолшы өкілін Мұғалжар ауданының басшысы Ербол Данағұлов облыс әкімі Бердібек Сапарбаевтың атынан құттықтап, сыйлығын табыстады.
Ақсақалдың айтуынша, 1917 жылы дүниеге келген Артем жастайынан жетім қалып, анасының туыстары бауырларына басады. Мұғалжар мен Алға аудандарында өскен. 20 жасында Түркіменстан жеріне Орта Азиялық әскери округіне әскерге шақырылып, отан алдындағы борышын өтейді.
1941 жылы қараша айында ол Мәскеу түбін қорғау үшін құрылған 11-Красноярский полкіне танк жүргізушісі сапына қабылданады. Өзінің білгірлігімен, батылдығымен көзге түскен жас сарбаз одан кейін де көптеген шайқастарға қатысып, Польша шекарасына дейінгі көптеген ұрыстарға қатысып, жау қолында қалған қалаларды азат етуге атсалысады. Окоптар қазып, құпия нысандарды қорғаған. Старшина ретінде соғыс шебіне талай жасты дайындықтан өткізеді. Тұтқындарды конвоймен жеткізіп отырады. Ұлы Жеңіс күнін Проскурня Белоруссияның батысында Польшамен шекарада қарсы алады.
Майданнан оралған соң Артем Проскурня теміржолда еңбек етіп, жұбайы Таисиямен екеуі Валентина, Любовь, Галина есімді үш қыз тәрбиелеп өсіреді. Бүгінде жүзге келген қария қыздары мен немерелерінің қамқорлығында, таза ауада серуендеп, теледидардан күнделікті жаңалықтарды қарайды, көркем фильмдерді жақсы көретінін жасырмайды.
Асқар Ақтілеу, Қандыағаш
Әлеумет
24.11.2025
Достық станциясындағы локомотив бригадаларының демалыс үйі жөнделді
Әлеумет
24.11.2025
Зорлық-зомбылыққа жол жоқ
Әлемде
24.11.2025
Грузияда Орта дәліздің артықшылықтары айтылды
Жүк тасымалы / Инфографика
21.11.2025
10 айда темір жол көлігімен 220 млн тоннадан астам жүк тасымалданды
Әлеумет
21.11.2025
Теміржолшылар түзету-білім беру мектебінің ашылуына қатысты
Жүк тасымалы
21.11.2025
Порттардың транзиттік әлеуеті таныстырылды
Инфрақұрылым
21.11.2025
Бұл – болашақ «Бақты» станциясы
Жолаушылар тасымалы
21.11.2025
«Алматы – Қостанай» бағытында жаңа «Тальго» пойызы жүреді
Жаңалықтар
21.11.2025
«Қонақжай қазақ бауырларға чоң рахмет»
Аймақтар
21.11.2025
Тыңнан түрен салған топ
Жаңалықтар / Мұрағат
21.11.2025
Қазақстан теміржолшысы газеті, №97 21 қараша 2025 жыл
Әлеумет
20.11.2025
Бейнеу ауданында жаңа спорт кешені салынады: Әкімдік пен кәсіподақ өзара меморандумға қол қойды
Инфрақұрылым
20.11.2025
Макинск станциясы вокзалын жаңғырту аяқталды
Әлеумет
20.11.2025
Теміржолшыларға тұрмыстық құқық бұзушылықтың салдары мен алдын алу жолдары түсіндірілді
Станция тынысы
20.11.2025
Сексеуіл станциясы жүк тиеу жоспарын екі есе арттырды
Аймақтар
20.11.2025
Теміржолшылар депоны жасыл желекке бөледі
Аймақтар
20.11.2025
Теміржолшыларға алғашқы медициналық көмек пен азаматтық қорғаныс дағдылары үйретілді
Жаңалықтар
20.11.2025
ҚТЖ басшылығы Алматының айналасындағы айналма теміржол желісінің құрылысын тексерді
Жаңалықтар
19.11.2025
ҚТЖ Қытайда бірқатар құжаттарға қол қойылды
Жаңалықтар
19.11.2025
Экспорттаушылар Маңғыстау өңіріндегі порттар мен терминалдар инфрақұрылымымен танысты