Жаңартылған кадр саясаты – басқару модельдерінің бағдары
«ҚТЖ» ҰК» АҚ-ның кадрлық әлеуетін дамыту стратегиясы басты мақсатқа – қызмет тиімділігін арттыруға қол жеткізуге мүмкіндік беретін сенімді тетіктерді құруға бағытталған. Бұл, әсіресе, компания инфрақұрылымды жаңғырту бойынша ауқымды жоспарларды жүзеге асырып, мегажобаларды енгізіп жатқан кезде өте маңызды.
Алдыңғы кадр саясатының қолданылу мерзімі 2019-2029 жылдарға көзделген. Ол «ҚТЖ» ҰК» АҚ және еншілес ұйымдар үшін компанияның адам ресурстарын басқаруды дамытудың негізгі тәсілдерін, қағидаттарын, талаптары мен бағыттарын айқындайтын негізгі құжат болды.
«ҚТЖ» ҰК» АҚ қолданыстағы кадр саясатын іске асыру үшін «ҚТЖ» ҰК» АҚ әртүрлі бизнес-бағыттары қызметінің ерекшелігі мен айрықшалығын ескере отырып, адам ресурстарын басқарудың әрбір бағыты бойынша егжей-тегжейлі көрсету үшін өзге ішкі құжаттар әзірленіп, бекітілді.
Компанияның жаңартылған Даму стратегиясы; «Самұрық-Қазына» АҚ жаңартылған кадрлық саясаты; компанияны ұлттық көлік-логистикалық компанияға айналдыру және ESG практикасын енгізу кадрлық саясатты өзектендіру мен әзірлеудің алғышарттары болды.
Бұл ретте, «ҚТЖ» ҰК» АҚ қолданыстағы кадр саясатын өзектендіру үшін филиалдар мен еншілес ұйымдарда адам ресурстарын басқару процестері бойынша орталық аппарат басшылары мен жауапты қызметкерлердің қатысуымен стратегиялық сессиялар өткізілді.
Мұндай стратегиялық сессиялар ESG және IR практикаларын ескере отырып, кадр саясатының бағыттарын негіздейтін және айқындайтын бірыңғай мақсаттар мен бастамаларды әзірлеуге мүмкіндік берді.
Кадр саясатының тұжырымдамасына мынадай HR бастамалары кірді: Корпоративтік мәдениет және ESG-практика; HR бизнес-әріптестік және HR-функцияны дамыту; Қызметкерлердің таланты мен әл-ауқатын басқару; Цифрландыру және HR-талдама.
Сондай-ақ, компания БҰҰ Жаһандық шартының (UN Global Compact) мүшесі бола отырып, адам құқықтарын, еңбекті қорғау қауіпсіздігін және қызметтің барлық аспектілерінде сыбайлас жемқорлыққа қарсы іс-қимылды сақтай отырып, халықаралық еңбек ұйымы конвенцияларының қағидаттарын енгізуді жалғастырады.