ҚТЖ-да кітап көрмесі өтуде
«Қазақстан теміржолшысы» газетінің тілшісі
«Қазақстан темір жолы» ҰК» АҚ Орталық аппаратының ғылыми-техникалық кітапханасында «Жаңа кітаптар» көрмесі өтуде.
Көрмеде бірнеше бағыттар бойынша, атап айтқанда менеджмент-басқару, логистика, үнемді өндіріс-технологиялар, жеке тиімділік-психология, IT-технологиялар, соның ішінде SAP, сондай-ақ теміржол тақырыптары: жолды басқару, энергетика, қауіпсіздік шаралары, көлік процестері және әртүрлі салалардағы әдебиеттер ұсынылған.
Бұл кітаптар Компания қызметкерлерінің техникалық әдебиетке деген қажеттілігін ескере отырып сатып алыныпты. Теміржолшылар кітапханасы ежелден бай және сан-салалы кітап қорымен танымал болды. Дегенмен, соңғы жылдары біршама уақыт бойы жаңартылмай келген қор биылғы жылы қайта байытылды. Ғылыми-техникалық кеңестің шешімімен 203 атау бойынша 563 дана әдебиет сатып алынды. Олардың дені уақыт талабына жауап беретін заманауи сандық технология, логистика мен менеджментті басқару, теміржол көлігіндегі жаңашылдықтар, т.т. салаларды қамтиды. Бас кітапханашы Данагүл Төлебаеваның айтуынша, қажетті әдебиеттерді сатып алу іс-шарасы 2023 жылғы 15 ақпандағы Техникалық орталықтың Орталық аппараты ғылыми-техникалық кітапханасының 2023-2027 жылдарға арналған кітап қорын толықтыру және жаңартудың өндірістік бағдарламасында қарастырылған.