Алакөлге қатынайтын Ұлттық тасымалдаушының барлық пойыздары кондиционерлермен жабдықталады
![](https://rail-news.kz/uploads/2024/05/28/7xC04oqxvb2ktsS4z2MBnYaMgo68IEJMXBoUH5B0.jpg)
«Жолаушылар тасымалы» АҚ-ның жалпы вагон паркінің (2,1 мың бірліктен астам) 76%-ы ауаны баптау жүйесімен жабдықталған.
Вагондар паркінің 24%-ында техникалық жағынан өндіруші зауыттың конструкциясы бойынша кондиционерлер қызметі қарастырылмаған. Бұл вагондарды пайдалану жолаушыларды, багажды, жүк-багажды және пошта жөнелтілімдерін тасымалдау бойынша бекітілген ережелерінің талаптарына, сондай-ақ, техникалық пайдалану ережелеріне сәйкес келеді.
Барлық купелер мен плацкарттарда терезелерді ашу мүмкіндігі бар. Алайда төтенше жағдай кезінде ғана ашуға рұқсат етілген терезелерді әдетте қолдануға тыйым салынады. Сондай-ақ, Алакөл көлінің бағытында 100% кондиционермен жабдықталған пойыздар жүретін болады.
Ауаны баптау жүйесі жоқ вагондардың қызмет ету мерзімі таяған кезде, олар қолданыстан шығарылады. Барлық заманауи вагондар кондиционерлермен жабдықталған.