ҚТЖ: жұмыс барлығына қолжетімді
"ҚТЖ" ҰК" АҚ компаниялар тобы мүгедек адамдарды жұмысқа орналастыру бойынша өткізілетін іс-шаралар шеңберінде жаңа мүмкіндіктер ашады және мүгедек адамдарға лайықты жұмыс табуға, ал жұмыс берушіге қажетті қызметкерді табуға көмектеседі, деп хабарлайды Rail-news.kz.
"ҚТЖ" ҰК" АҚ-ның 2032 жылға дейінгі даму стратегиясына сәйкес стратегиялық мақсаттардың бірі "ESG қағидаттарын енгізу" болып айқындалды, оның негізгі міндеті компанияның құндылықтары мен қызметкерлердің қажеттіліктерін ескере отырып, ESG-практикаларды дамытуға бағытталған корпоративтік мәдениетті құру және қолдау болып табылады.
"ҚТЖ" ҰК" АҚ БҰҰ Жаһандық шартының (UN Global Compact) мүшесі бола отырып, жұмыспен қамту, инклюзивтілік және жұмыс күшінің әртүрлілігі саласындағы теңдікті қамтамасыз етіп, адам құқықтарын сақтай, халықаралық еңбек ұйымы конвенцияларының қағидаттарын енгізуді жалғастыруда.
Қазақстан Республикасы Еңбек және халықты әлеуметтік қорғау министрлігінің, БҰҰ-ның "Халықты әлеуметтік қорғау жүйесін орнықты дамыту: әлеуметтік интеграция және инклюзия жөніндегі бағдарламаларды ілгерілету" даму бағдарламасының бірлескен жобасы шеңберінде "Мүгедектігі бар адамдар үшін ұсынылатын кәсіптер мен сабақтардың атласы" әзірленді, ол тіршілік әрекеті шектелуінің түрлері бөлінісінде мүгедектігі бар адамдарға арналған кәсіптердің тізімін ұсынады.
Күн сайын job.railways.kz сайтында Қазақстанның барлық өңірлері бойынша бос орындар орналастырылуда. Қолайлы позицияны "Жұмыс" басты бетіндегі белгішені немесе арнайы белгіні басу арқылы табуға болады.