Жол күтімі жоғары

Жаңалықтар

21.06.2017, 14:14

Ірілендірілген Қызылорда жол дистанциясына қарасты телімдердің жыл басынан бергі және мамыр айында пойыздар қозғалысы қауіпсіздігін қамтамасыз ету жолында жүргізген жұмыстары көңілден шығады. Дистанция бойынша ақау орын алмаған. Пойыздар қозғалысына кедергі болған қауіпсіздік ережесін бұзушылық жағдайлары: пойыздың жолдан шығуы, жұмыс барысындағы апаттық жағдайлар тіркелмегенмен, бес ай ішінде жол бойына бөгде адам шығып кетуінен үш рет оқыс оқиға орын алған. Ірілендірілген Қызылорда жол дистанциясының техникалық бөлім инженері Сағатбек Тумырзаев ағымдағы жылдың бес айында атқарылған жұмыстар жайлы айта келіп, иесіз мал мен адамдардың жол бойына шығып кетуі азаймай, жылжымалы құрамдардың қозғалысына кедергі келтіруде екенін мәлімдеді. Жолаушылар және жүк пойыздарының кестеден кешігуіне себеп болатын тепловоз машинисінің шұғыл тежегіш басу жағдайы 2016 жылы 46 мәрте орын алса, биылғы жылдың мамыр айын қоса есептегенде және бес ай көлемінде 13 мәрте қайталанған. Оның 9 жағдайында жолға иесіз мал шықса, 4 рет бөгде адам кедергі келтірген. Жылжымалы құрамдардың қауіпсіз қозғалысына кедергі келтіретін мал-жанға сым қоршауларды жөндеу жыл бойы жалғасып келеді. Мамыр айында жоспарға сай 5,4 км сым қоршау жөнделіп қосымша 950 дана бағана орнатылып, теімдер бақылауға алынды, – дейді техбөлім инженері Сағатбек Тумырзаев. Жол күтімінің балдық көрсеткіші бес айда 65 бірлік межесі 37 бірлік көрсеткішімен 143 пайызға орындалған. Жол күтімі техталапқа сай болуын бақылау жұмысына дистанция телімдерінде 24 ақаутапқыш арба жұмыс жасайды. Ақау тапқыш арбалармен жұмыс жасау кезінде 11 504 км негізгі жол, 631км қабылдап-жөнелту жолдары, 4538 жинақ жол бұрмалары, 3040 дана дәнекерленіп-пісірілген рельстер тексеріліп, ақаутапқыш арбасын пайдалану тиімділігі жүз пайызды құраған. Дистанция телімдерін техникалық талапқа сай ету үшін ағымдық күтім жұмыстары жүргізілуде. Мамыр айында 2,3 км шойын жол жоспарлы алдын алу жөндеуден өткізілген. Сонымен қатар 105 жинақ жөнделіп, 1,0 мың оқшаулы түйіспелер іріктелген. 1,6 мың дана рельстік жалғағыштар дәнекерленген. 60,7 км сым қоршау жөнделген. Осы жұмыстардың бәрі телім бойынан жылжымалы құрамдардың кідіріссіз қозғалысын сақтау үшін жасалуда.

Жол күтімі жоғары

Басқа да жаңалықтар

Қазақстан теміржолшысы газеті, №22-23 27 наурыз 2026 жыл