ҚТЖ мен Сыбайластыққа қарсы агенттігі өзара іс-қимылды күшейтеді

 ҚТЖ-да “ҚТЖ-Жүк тасымалы” ЖШС басшылығының және ҚР Сыбайлас жемқорлыққа қарсы іс-қимыл агенттігінің сотқа дейінгі тергеу қызметінің кездесуі болып өтті. “ҚТЖ-Жүк тасымалы” ЖШС - “Отын ресурстары орталығы” филиалының қызметінде сыбайлас жемқорлыққа қарсы заңнама талаптарын сақтау бойынша ұсыныс қаралды, деп хабарлайды Rail-news.kz.

ҚТЖ Сыбайлас жемқорлыққа қарсы қызметпен бірлесіп теміржол көлігі саласындағы сыбайлас жемқорлық құқық бұзушылықтарды болдырмау бойынша жұмыс жүргізуде.

ҚТЖ барлық сыбайлас жемқорлық көріністеріне нөлдік төзімділік қағидатын ұстанатыны, сыбайлас жемқорлық тәуекелдерінің алдын алу және оларға жол бермеу үшін қажетті шаралар қабылдайтыны атап өтілді.  

ҚТЖ-да кадрларды іріктеу процесі ашық және анық. Бос орындар қазақ және орыс тілдерінде  “Enbek.kz” және “Job.railways.kz” порталдарында жарияланады. Басшылық лауазымдарға кандидаттарды іріктеу бірнеше кезеңнен тұрады. Түйіндемені бастапқы талдауды ҚТЖ рекрутингтік қызметі жүзеге асырады, содан кейін кандидат ҚТЖ қауіпсіздік қызметі және комплаенс желісі бойынша тексеруден өтеді. Осыдан кейін ғана ол сұхбаттасуға жіберіледі.

ҚТЖ-да сыбайлас жемқорлық фактілері туралы ақпараттандыру арналары, "жедел желі", оның ішінде анонимді түрде хабарлау мүмкіндігі көзделген. Мұндай арналар туралы ақпарат ҚТЖ және "ҚТЖ-Жүк тасымалы" ЖШС сайттарында жарияланды, сондай-ақ бөлімшелер, станциялар мен депо ғимараттарында орналастырылды. Сыбайлас жемқорлық құқық бұзушылықтар туралы келіп түскен сигналдар туралы Сыбайлас жемқорлыққа қарсы қызметті хабардар ету практикасы енгізілді.