2029 жылға дейін 5 мың км жол салынады
2029 жылға дейін 5 мың км жол салынады және 11 мың км жолды жөндеу жоспарлануда. Бұл туралы «ҚТЖ «ҰК» АҚ басқарма төрағасы Н. Сауранбаев бүгінгі Үкімет отырысында баяндады, деп хабарлайды Rail-news.kz.
2024 жылдың 10 айында өткен жылдың сәйкес кезеңімен салыстырғанда:
- тиеу көлемі 1,4% - ке өсіп, 210 млн тоннаға жетті
- контейнерлік транзит 7,5% - ке ұлғайып, 1 млн 155 мың ЖФЭ-ден асты
ҚТЖ-ның негізгі активтері
- Локомотив паркінің тұрақты жұмысы қамтамасыз етілді. Локомотив тапшылығы жойылды
- Жүк тасымалы нарығы вагон паркімен қамтамасыз етілген. ҚТЖ вагондары негізінен әлеуметтік жүктерді тасымалдауға қатысады. ЖЭО және коммуналдық-тұрмыстық қажеттіліктер үшін көмір тасымалдау қажеттілігі толық қамтамасыз етіледі.
- ҚР экономикасының тасымалдауға өсіп келе жатқан қажеттілігі және транзиттік әлеуетті ұлғайту қажеттілігі теміржол инфрақұрылымын белсенді дамытуды және жаңартуды талап етеді. 2029 жылға дейін 5 мың км жол салынады және 11 мың км жолды жөндеу жоспарлануда.
Инфрақұрылымдық жобалар
- Ірі инфрақұрылымдық жобалар жүзеге асырылуда. Достық – Мойынты жобасы бойынша құрылыс жұмыстары кестеден озып келе жатыр, 836 шақырымдық екінші жолдың 700 шақырымнан астам төселді
- Асырылып жатқан жобалардың мультипликативтік әсері: 20 жыл ішінде ҚТЖ Ұлттық қорға 543 млрд теңгені және пайыздарын қайтарады, сондай-ақ жоба бюджетке 4 трлн теңгеден астам салық түсімдерін қамтамасыз етеді, оның 102 млрд теңгесі құрылыс кезеңінде түседі.
- Тауарлар мен қызметтердегі қазақстандық қамту 85% құрайды, халықты жұмыспен қамту қамтамасыз етіліп, отандық кәсіпорындар жүктелуде.
- Осы жобалар арқасында отандық құрылыс кәсіпорындар мен зауыттар қуаттылықты арттырып, өндірістік базаларды жаңғыртты және жоғары білікті жұмысшы мамандарының санын көбейтті
Қазақстан транзиттік хаб ретінде қалыптасты
- контейнерлік транзиттік тасымалдар тұрақты өсуді көрсетеді: 3 жыл ішінде көлемдер 30% өсті (2021 жылғы 1 млн - нан 2024 жылғы бағалау бойынша 1,3 млн. ЖФЭ-ге дейін)
- Орта дәліз (ТМТМ) бойынша тасымалдау 25 есе өсті
- ҚТЖ маршрут бойында терминалдық желіні жедел дамытып жатыр. Бұл жүктердің көлемін ұлғайтуға және тасымалдау бағасының тұрақтылығына кепілдік береді
- Қазір 5 терминал бар;
- 2025 жылы тағы 5 терминалдың құрылысы аяқталады; қалған 4 терминал 2026 жылы салынып бітеді.