«Көліктегі қауіпсіздік» профилактикалық іс-шарасында 1200-ден астам құқық бұзушылық анықталды

Осы жылдың 23-26 қаңтары аралығында Көліктегі полиция департаментінің қызмет көрсету аумағында «Көліктегі қауіпсіздік» жедел-профилактикалық іс-шарасы өтті, деп хабарлайды Rail-news.kz.

Көліктегі ПД қызметкерлерінің айтуынша, іс-шараның негізгі мақсаты – қылмыстардың, құқық бұзушылықтардың алдын алу, сондай-ақ теміржол көлігі объектілерінде жазатайым оқиғаларды болдырмау.

Өткізілген ЖПІШ-тің 4 күнінде 1260 әкімшілік құқық бұзушылық анықталды, оның ішінде белгіленбеген жерлерден темір жолды кесіп өткені үшін – 634, ортақ пайдалану орындарын ластағаны үшін – 188, алкогольге қарсы заңнамаға тыйым салуды бұзғаны үшін – 111, белгіленбеген жерлерде сауда жасағаны үшін – 56 адам және т.б.

Көлік полицейлері пойыздарын аралап, тексеру кезінде жолаушылармен профилактикалық әңгімелер жүргізіп, сапарда жүрген кездерде жиі жоғалатын әмиян, ұялы телефон, планшет сынды бағалы заттарды бақылаусыз қалдырмауға кеңес берді. Ал оқу орындарында көлік объектілерінде жүріп-тұру ережелерін сақтау бойынша дәріс оқып, әуе және темір жол ұйымдары өкілдерінің қатысуымен дөңгелек үстелдер өткізді.

«Біздің міндетіміз – кез келген азамат, мейлі ол жолаушы болсын, көлік ұйымдарының жұмысшы болсын, оларға қауіпсіздік пен жайлылықты қамтамасыз ету. Кез келген қылмысқа тосқауыл қоя отырып, қоғамдағы құқықтық тәртіпті нығайту», - деп атап өтті полиция қызметкерлері.

Тәртіп сақшылары барлық жолаушыларға қауіптілігі жоғары аймақтарда жүріп-тұру ережелері туралы буклеттер мен жадынамалар таратты.

Естеріңізге сала кетейік, әр адамның азаматтық ұстанымына беріктігі мен жеке қырағылығы, яғни, полицияға құқық бұзушылықтар туралы дер кезінде хабарлауы (102 телефоны бойынша) жол жүру кезіндегі көптеген келеңсіздіктерді болдырмауға мүмкіндік береді.