«Жас Темір» – жас мамандар мүмкіндігі

Жаңалықтар
21.03.2025, 09:10
Суретті түсірген Александр Жабчук
Сұлугүл Бакесова

«Қазақстан теміржолшысы» газетінің тілшісі

"ҚТЖ" ҰК" АҚ-да салаға жас мамандарды даярлау мақсатындағы "Жас темір" тағылымдама бағдарламасы сәтті жүзеге асып келеді. Ол  теміржол мамандығы бойынша жоғары оқу орындарын бітірген түлектерге жаңа перспективалар ашуда. Кеше осы бағдарламаға қатысушылармен кездесу өтті.  

Әу бастан "Жас темір" тағыламдама бағдарламасы теміржол саласында мансап құрғысы келетін жас мамандарды қолдау мен дамыту мақсатында әзірленген болатын. Ол бейінді оқу орындарын бітіріп, тәжірибе жинап, жұмыс жағдайына бейімделіп, теориялық білімдерін тәжірибемен ұштастыруға ниет еткен түлектерге бағдарланған еді. Тағылымдама ҚТЖ-ның әртүрлі құрылымдық бөлімшелерінде 3 ротацияны құрап, бір жыл жарымға созылады, осы уақыт ішінде тағылымдамадан өтушілер нақты жұмыс процестерімен танысып, тәжірибелі жетекшілердің жетекшілігімен өндірістік міндеттерді орындап, заманауи технологиялармен жұмыс істеу дағдыларын үйренеді.  

Еске сала кетсек, "Жас темір" бағдарламасының бірінші ағыны 2022 жылы бастау алған-ды. ҚТЖ-ның мамандарға сұранысын талдай  отырып және оқу орындарымен тиімді ынтымақтастық орната отырып,  Адами ресурстарды басқару департаментінің HR қызметкерлерімен ЖОО түлектері арасында байқау жарияланып, іріктеу жүргізілген еді.  

"Байқаудың іріктеу кезеңдеріне 38 жас маман қатысты. Бірақ, олардың арасынан бесеуі жеңімпаз деп танылды және әртүрлі құрылымдық бөлімшелерде тағылымдамадан сәтті өтіп, 2024 жылы ҚТЖ-ға жұмысқа тұрды. ҚТЖ басшылығы бұл бағдарламаның тиімді оң көрсеткіштерін негізге ала отырып, бұл бағдарламаны өткен жылы жалғастыруға шешім қабылдады. Осылайша, 2024 жылдың мамыр айында бастау алған бағдарламаның екінші ағынына бұл жолы 37 өтінім келіп түсті. Алайда, байқау қорытындысы бойынша бағдарламаға 8 жеңімпаз өтті. Олар ҚТЖ-ның бөлімшелерінде – "Магистральдық желі дирекциясы" филиалында, "ҚТЖ-Жүк тасымалы", "ҚТЖ-Жолаушылар локомотивтері" компанияларында таңдаған мамандықтарың бойынша тәжірибе жинақтап, бірінші ротациядан өтіп жатқан мына сендерсіңдер", – деді кездесу кешіне жетекшілік еткен ҚТЖ-ның HR бизнес-серіктесі Алма Сәулебаева.  

Бұдан кейін сөз кезегі тағылымдамашы жас мамандар мен олардың тәлімгерлеріне берілді. Жас мамандар бірінші ротация қорытындысы бойынша өздерінің алған тәжірибе-тағылымдамаларын слайдтар арқылы көрсетіп, таныстырылымын жасады.  

"Жас темір" бағдарламасына қатысушы алты жас маман – Елеусізов Бибарыс, Саметова Айым, Сақтағанов Райбек, Сейдулла Назира, Иманғазина Снежанна, Тілегенова Гүлмира "ҚТЖ-Жүк тасымалы" ЖШС мен оның өңірлік филиалдарында, Олжас Сәрсенғалиев "Жолаушылар локомтитері" ЖШС-да, ал Биязы Бисенова Компанияның "Магистральдық желі дирекциясы" филиалында тағылымдамадан өтіп жатыр екен. Жас мамандар хақында тәжірибелі тәлімгерлер де ой бөлісіп, олардың жұмыстарына ұқыпты, жауапты қарап, тыңғылықты орындайтынын және өздері таңдаған мамандықтарының қыр-сырына терең қанығып, білулеріне қызығушылықтары зор екенін атап өтті. Барлық тәлімгерлер бірінші ротация жұмысы бойынша қамқорлықтарына алған жас мамандарға оң баға берді.  

Атап өтерлігі, жас мамандар тағылымдама барысында өндірістік жұмыстарға қатысып қана қоймай, ҚТЖ-ның әлеуметтік өміріне де, "Тұрақты даму", "Тиімді коммуникациялар", "Шешендік шеберлігі" сияқты іскерлік дағдылар мен құзіреттілікті дамытуға бағытталған тренингтерге белсенді қатысып келеді.  

Алда стажерлерді жаңа дағдыларды, тренигтер мен белсенді әлеуметтік өмірді игеруге мүмкіндік беретін тағы 2 ротация күтіп тұр. Бұл ротациялар жас мамандарға өндірістік тәжірибе жинақтаумен қатар өздерінің жеке қабілет-қасиеттерін жан-жақты ашып, көрсетуге, дамытуға мүмкіндік бермек. Ал бағдарлама аяқталысымен, тағылымдаманы сәтті аяқтап, өндірістік тапсырмаларды орындау барысында жоғары нәтиже көрсеткен жеңімпаздар ҚТЖ компаниясына жұмысқа тұру және өзінің кәсіби мансабын жалғастыру мүмкіндігіне ие болмақ.  

Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі
Жүк тасымалы
15.09.2025
Мамыр-қыркүйек аралығында 24 млн тонна көмір тасымалданды
Цифрландыру
15.09.2025
Бейнеу станциясы цифрландыруға көшеді
Станция тынысы
15.09.2025
Теміржолшылардың қажырлы еңбегі: Арал станциясының көрсеткіштері
Аймақтар
15.09.2025
Матай станциясында локомотившілердің демалыс үйі күрделі жөндеуден өтті