Аягөз қалпына келтіру пойызы үшін жаңа кран сатып алынды
Жүк көтергіштігі 150 тонналық КЖ-1572б темір жолымен жүретін жаңа гидравликалық кран Семей магистральдық желі бөлімшесінің Аягөз станциясындағы қалпына келтіру пойызы үшін сатып алынды, деп хабарлайды Rail-news.kz.
Техника 1520 мм жолтабан темір жолдарында тиеу-түсіру және авариялық-қалпына келтіру жұмыстарын орындауға арналған, сондай-ақ жөндеу және құрылыс-монтаждау жұмыстарын орындауды қамтамасыз етеді.
Кран қысқа мерзімде жұмыс режиміне өтеді. Айналмалы жақтауда орналасқан үш секциялы жебемен тар және қиын жағдайларда жұмыс жасауға болады. Техника іске қосу алдындағы жылытқышпен жабдықталған, бұл кранды - 40С дейінгі температурада пайдалануға мүмкіндік береді. Сондай-ақ қалпына келтіру пойызының қызметкерлері сатып алынған кранның тағы бір артықшылығын атап өтті. Машинист кабинасында микропроцессорлық визуалды индикация құрылғысы бар, оның көмегімен номиналды жүк көтергіштігі асып кеткен жағдайда механизмдерді автоматты түрде өшіру қамтамасыз етіледі.
Жаңа гидравликалық кран өндіріс уақытын едәуір қысқартады.
