KTZ Express ЕО елдеріне экспорттық мультимодальды тасымалды ұйымдастырды
KTZ Express Алматыдан Еуропалық одақ елдеріне Транскаспий халықаралық көлік бағдары (ТХКБ) арқылы арнайы өндірістік жүктерді экспорттауға арналған мультимодальды тасымалды жүзеге асыруда, деп хабарлайды Rail-news.kz.
Жүктер 40 футтық контейнердегі арнайы ыдыстарда жеткізілуде. Маршрут негізгі логистикалық тораптарды қамтиды: Алматы – Ақтау – Поти – ЕО елдері. Жеткізу мерзімі 25-тен 30 күнге дейін.
Бастапқы кезеңде тасымал көлемі 20-дан 50 ЖФЭ-ге (жиырма футтық эквивалент) дейін жетеді. Алдағы уақытта бұл көрсеткішті айына 100 ЖФЭ-ге дейін ұлғайту жоспарланған.
KTZ Express логистикалық қызметтің толық кешенін қамтамасыз етеді: жүктің жөнелтушіден бастап теміржол, Каспий және Қара теңіз арқылы теңіз тасымалына дейінгі барлық кезеңдері қамтылған.
Маршруттың теңіз арқылы өту бөлігі Maersk компаниясымен бірлесіп жүзеге асырылды. Бұл – теңіз және мультимодальды логистика саласындағы әлемдегі ең ірі операторлардың бірі.