Кәсіподақтың XI съезі өтті

Астанада «Теміржол, автомобиль, әуе және су көлігі қызметкерлерінің қазақстандық салалық кәсіптік одағы» ҚБ кезекті XI съезі өтті. Съезд жұмысына еліміздің барлық өңірлерінен келген делегаттар мен еңбек ұжымдарының өкілдері қатысты, деп хабарлайды Rail-news.kz.

Съезде Орталық Кәсіподақ Кеңесінің 2020-2025 жылдардағы есебі жәнеалдағы бес жылдық кезеңге арналған міндеттері, бақылау-тексеру комиссиясының қаржы-шаруашылық қызметі туралы есебі тыңдалды.

Делегаттар Кәсіподақ Жарғысына енгізілген өзгерістерді қарады, сондай-ақ Төрағаны, Орталық Кеңестің және бақылау-тексеру комиссиясының құрамдарын қайта сайлады.

Қабылданған шешімдер кәсіподақ қозғалысын одан әрі дамытуға және Қазақстанның көлік саласы қызметкерлерінің құқықтары мен мүдделерін қорғауды күшейтуге бағытталған.