Қазақстан темір жол арқылы Ауғанстанға гуманитарлық көмек жіберді

ҚР Төтенше жағдайлар министрлігі KazAID Қазақстанның халықаралық даму агенттігі қолдауымен Ауғанстанға гуманитарлық көмектің ірі партиясын теміржол арқылы жеткізді, деп хабарлайды Rail-news.kz.  

Барлығы жалпы салмағы 272 тонна 728 килограммды құрайтын 26 вагон гуманитарлық жүк жөнелтті, олардың ішінде шатырлар, қант, көрпелер, ет консервілері және ұн бар.

Еске салайық, 2025 жылғы сәуір айында да гуманитарлық көмек жіберілген болатын: дәрі-дәрмектер, медициналық бұйымдар және жеке қорғаныс құралдары тиелген жүк әуе арқылы жеткізіліп, оның жалпы салмағы 3 тонна 396 килограммды құрады.

Қазақстан тату көршілік қатынастарды дамыту бағытын ұстанып, өңірдегі гуманитарлық тұрақтылықты қамтамасыз етуге әрі қарай да атсалысуға дайын.