ҚТЖ басшылығы ALT университетінің студенттерімен кездесті

Көліктегі қауіпсіздік және цифрландыру бойынша VI Еуразиялық форумы аясында «Қазақстан темір жолы» ҰК» АҚ Басқарма төрағасының орынбасары Мұрат Төрегелдин мен «Жол диагностикасы орталығы» филиалының директоры Аслан Ақашовтың Мұхамеджан Тынышбаев атындағы ALT университеті студенттерімен кездесті, деп хабарлайды Rail-news.kz.

Кездесу барысында басшылар теміржолдағы кәсіби тәжірибелерімен бөлісті, сондай-ақ ҚТЖ-да іске асырылып жатқан әлеуметтік бастамалар мен жастар бағдарламалары туралы айтып берді.

«Қазақстан темір жолы» ҰК» АҚ әлеуметтік қолдау мәселелеріне көп көңіл бөліп келеді. Компанияның әлеуметтік жеңілдіктерінің бюджеті 23,4 млрд теңгені құрайды. Қызметкерлер үшін машинистер мен көмекшілері үшін мерзімінен бұрын зейнетке шығу, шағын станциялардағы жас мамандарға 20% үстемеақы, желілік станциялардағы қызметтік тұрғын үй, демалысқа және ерекше өмірлік жағдайларға материалдық көмек, медициналық және санаторий-курорттық қызмет көрсету, мерекелерге арналған сыйлықақылар және қызметкерлердің балалары үшін жазғы демалысты ұйымдастыру көзделген.

Компанияда ведомстволық наградалардың 23 түрі және 13 ауыспалы ту жұмыс істейді. 2025 жылы кәсіпқойлық үшін 5500 астам медаль және мамандыққа берілгендігі үшін 78000 белгі берілді.

ҚТЖ жас мамандарды тартуға және дамытуға бағытталған бірқатар бағдарламаларды іске асыруда. Жұмыс тәжірибесін қажет етпейтін сұранысқа ие кәсіптердің қатарына мыналар жатады: жол монтері, СОБ және байланыс электромеханигі, вагондарды тексеруші-жөндеуші, машинист көмекшісі, жылжымалы құрамды жөндеу жөніндегі слесарь.

Қатысушылар модульдік оқытудан өтетін, басқарушылық және кәсіби дағдыларын дамытатын, ротацияларға қатысатын «ҚТЖ-ның 100 жас есімі» жобасына ерекше назар аударылады. Бес жыл ішінде бағдарламада 143 ротация өткізілді.

Сондай-ақ, компания жыл сайын бес негізгі өндірістік кәсіп бойынша «Жас үздік маман» кәсіби шеберлік конкурсын өткізеді.

Компания басымдықтарының бірі корпоративтік волонтерлікті дамыту болып қала береді. «Корпоративтік еріктілер мектебі» аясында жыл сайын 120 жуық қызметкер өзара көмек және әлеуметтік жауапкершілік мәдениетін қалыптастырады.

ҚТЖ жастар делегациялары Ресей, Өзбекстан, Моңғолия және басқа елдердегі халықаралық форумдар мен алмасуларға қатысады. Компанияда сонымен қатар өзінің КТК лигасы мен әр түрлі сахналарда сәтті өнер көрсетіп келе жатқан ҚТЖ.kz командасы бар.