Басқарма төрағасы теміржолшыларды Кәсіподақ күнімен құттықтады
«Қазақстан темір жолы» ҰК» АҚ Басқарма төрағасы Талғат Алдыбергеновтің теміржолшыларды Қазақстан Кәсіподақтары күнімен құттықтауы:
Құрметті әріптестер!
Салалық кәсіподақ ұйымының қызметкерлері мен ардагерлері!
Қазақстанның Кәсіподақтары күнімен ізгі құттықтауымды қабыл алыңыздар!
Бұл атаулы күн биыл салалық кәсіподақ үшін ерекше мәнге ие. Себебі темір жолдағы кәсіподақ қозғалысының 120 жылдығымен тұспа-тұс келіп отыр. Өз бастауын сонау өткен ғасыр басында, Орынбор-Ташкент магистралі бойында құрылған алғашқы кәсіподақ ұйымдарынан алатын кәсіподақ қозғалысы міне, бүгінгі таңда жүз мыңнан астам теміржол еңбеккерлерінің басын қосқан үлкен күшке айналды. Жұмыс беруші мен еңбеккерлер арасында дәнекер болып, әлеуметтік әріптестікті дамытуда. Теміржолшылардың өмір сүру деңгейін жақсартуда әділдік, бірлік және ынтымақтастық қағидаттарына құрылған жұмысын ұтымды жүргізіп келе жатқан кәсіподақ жұмысына табыс, береке мен бірлік тілеймін. Еңбектеріңіз әрқашанда лайықты бағаланып, саланың дамуына жұмсаған күш-жігерлеріңіз ақтала берсін!