ҚТЖ-да жапондық Riken KOGYO компаниясы өкілдерімен кездесу өтті

«Қазақстан темір жолы» ҰК» АҚ-да басшылықтың жапондық RIKEN KOGYO компаниясының президенті Юкихиро Шибаомен кеңесі өтті, деп хабарлайды Rail-news.kz.  

Кездесу барысында 2024 жылғы қыркүйектен 2025 жылғы наурызға дейінгі Көктұма – РЗД16 аралығында жүргізілген бірлескен зерттеулердің нәтижелері, сондай-ақ 2025-2026 жылдарға арналған жұмыс жоспарлары қаралды.    

2025 жылдың қыркүйегінде ҚТЖ қар үйінділерінің сырғуына, қардың тығыздығына және желдің параметрлеріне натуралық бақылау жүргізу үшін ұзындығы 100 метр екі қатарлы уақытша құрылым салды. Ағымдағы жылдың 20 қазанында RIKEN KOGYO деректерді жинау және талдау үшін стационарлық метеорологиялық жабдықты орнатуды жоспарлап отыр.  

Алынған нәтижелер негізінде жапондық мамандар қардан және желден қорғау бойынша оңтайлы инженерлік шешімдерді әзірлеу мақсатында аэродинамикалық тұрбада сынақтар жүргізеді. Зерттеулерді аяқтау 2026 жылғы наурызға, қорытынды материалдар мен техникалық ұсыныстарды беру 2026 жылғы мамырға жоспарланған.  

Тараптар теміржол инфрақұрылымының өткізу қабілетін арттыру және тасымалдау процесінің сенімділігін қамтамасыз ету үшін жобаның маңыздылығын атап өтті.

Кездесу қорытындысы бойынша Қазақстан Республикасы Мемлекет басшысының алдағы Жапонияға ресми сапары шеңберінде ынтымақтастық туралы екіжақты меморандумға қол қою мәселесін пысықтау туралы уағдаластыққа қол жеткізілді.