ҚТЖ-да «е-Өтініш» жүйесінде азаматтардың өтініштерімен жұмыс бойынша оқыту өтті
25-28 қараша аралығында ҚТЖ орталық аппаратының және еншілес компаниялардың 360 астам маманы азаматтардың өтініштерімен жұмыс істеу кезінде «е-Өтіш» жүйесін қолдану және ҚР Әкімшілік рәсімдік-процестік кодексінің (ӘРПК) талаптарын сақтау мәселелері бойынша оқытудан өтті, деп хабарлайды Rail-news.kz.
Оқытуды ҚР Бас прокуратурасы Құқықтық статистика және арнайы есепке алу комитеті Көліктегі департаментінің мамандары жүргізді. Сабақ барысында квазимемлекеттік сектор ұйымдарында азаматтардың өтініштерін тіркеу, есепке алу және қарау тәртібі, сондай-ақ жұмыстың ашықтығы мен бірыңғай стандарттарын қамтамасыз ету үшін «е-Өтіш» платформасын пайдалану ерекшеліктері түсіндірілді.
Мұндай іс-шараларды өткізу өтініштерді өңдеу сапасын арттыруға, азаматтармен кері байланысты күшейтуге және компанияның барлық бөлімшелерінде ҚР ӘРПК нормаларының қатаң сақталуын қамтамасыз етуге бағытталған.