Астық тиелімі – күн тәртібінде

Жаңалықтар

13.10.2017, 19:24

Жаңа егіндіктің астық тасымалын ұйымдастыру мәселелері «Қазақстан теміржолы» ұлттық компаниясының басшысы Қанат Алпысбаевтың төрағалығымен өткен отырыста талқыланды. Жиынға ҚР ауыл шаруашылығы вице-министрі Қайрат Айтуғанов, Ақмола, Қостанай, Солтүстік Қазақстан облыстарының әкімдіктерінің, астық жүгі тасымалы бойынша ірі қазақстандық оператор «Астық транс» АҚ, астық және өзге де ауылшаруашылық жүктері бойынша ресейлік жетекші темір жол инфрақұрылымы операторы «Русагротранс» ЖАҚ өкілдері мен «ҚТЖ» ҰК» АҚ желілік кәсіпорындары басшылары, сонымен бірге Қазақстанның астық нарығында қызмет ететін трейдерлер қатысты. Қанат Алпысбаев астық тасымалын нақты ұйымдастыру мен қамтамасыз ету өзектілігіне тоқтала отырып, көлік компаниясы ретінде жүктің көлемі мен оның географиялық бағытын білу жылжымалы құрамды дұрыс бөлу үшін қажет және өте маңызды екенін атап өтті. Оның айтуынша, Ұлттық компанияның ұтымды қызметінің нәтижесінде осы жылдың 9 айында 5,5 млн тонна астық тиелген. Соның ішінде республиканың ішкі бағытында 1,9 млн тонна, экспортқа – 3,6 млн тонна астық тиелген. Бірақ, астық тиеліміне қатысты биылғы көрсеткіш өткен жылдың есепті мерзімімен салыстырғанда 98% құраған. Оның себебін, «ҚТЖ» ҰК»АҚ басшысы өткен жылмен салыстырғанда, Латвия, Беларусь, Қырғызстан нарықтарына тиелетін жүк көлемінің азаюымен байланыстырса, есесіне, қазақстандық астық пен пен дәнді дақылдардың тиелімі Ауғанстан, Өзбекстан, Тәжікстан, Әзербайжанға өскен. Ол сондай-ақ дәнді дақылдар таситын кемелердің қазақстандық паркінде 9 мың вагон бар екенін, оның 6252-сі астық жүгі тасымалы бойынша ірі қазақстандық оператор болып табылатын «Астық транс» АҚ басқаруында екенін атап өтті.

Астық тиелімі – күн тәртібінде

Басқа да жаңалықтар

Қазақстан теміржолшысы газеті, №34-35 01 мамыр 2026 жыл