Іс қағазды мемлекеттік тілде жүргізу жобасы жүзеге асырылуда
«Қазақстан теміржолшысы» газетінің тілшісі
«ҚТЖ» ҰК» АҚ-да іс қағаздарын мемлекеттік тілде жүргізу сапасын арттыру мақсатында "Ресми құжаттардың стильдік ерекшеліктері және оларды жазуда ескерілетін емле қағидалары" тақырыбында арнайы жоба жүзеге асырылуда, деп хабарлайды Rail-news.kz.
Аталған жобаның мақсаты – қызметкерлердің құжат дайындау сапасын жақсартып, мемлекеттік тілде дайындалатын ресми іс қағаздардың стильдік ерекшеліктерін, нормаларын және емле қағидаларын таныстырып, құжатты сауатты жазу тәртібі мен оған қойылатын талаптарды көрсету, сондай-ақ, құжат тілінің бірізділігін сақтау.
Семинар-тренинг түрінде өткізіліп жатқан шараға Компанияның орталық аппараты мен филиалдары және Астана қаласындағы еншілес ұйымдардан жалпы саны 200-ге жуық қызметкер тартылды.
Бағдарламасын Компанияның Мемлекеттік тілді дамыту секторы қызметкерлері әзірлеген осы семинарды алдағы уақытта өңірлік кәсіпорындардың қызметкерлеріне өткізу жоспарланған.