Санитарлық сауаттылыққа үндейді

Жаңалықтар

20.10.2017, 11:09

Жолаушылар пойыздары мен вагон мейрамханаларында тазалықтың талапқа сай болуы – бірінші кезектегі міндет. Үстіміздегі жылдың 9 айында Маңғыстау бөлімшелік көліктегі денсаулық сақтау басқармасы тексеру нәтижесінде олардан 9 бұзушылық тауып, 204 мың 210 теңге айыппұл салып, мекеме басшыларына халықтың санитарлық эпидемииологиялық салауаттылығы саласындағы заңнама талаптарын бұзушылықтарды жою жөнінде 4 нұсқама берген. Өткен жылы тексеріс қорытындысында 14 бұзушылық анықталып, санитарлық-микробиологиялық зеттеу нәтижесінде 8 жолаушылар вагонының су сынамасы талаптарға сай келмегендіктен жұмысын тоқтату туралы 4 қаулы шығарылған екен. Алайда, осы бойынша сотқа берілген талап арыз санитарлық нұсқама орындалғандықтан қараусыз қалдырылған. Ал биылғы жыл ондай деректер төмендеген. Бірақ жоспардан тыс тексерістер артқан. Былтыр 9 айда 6 тексеріс болса, ағымдағы жылы үш тоқсанда 17 тексеріс болған. Оның ішінде санитарлық ұйғарымның орындалысы бойынша теміржолға қарасты мекемелерге -12, теміржолшылар арасында жұқпалы ауру тіркелуіне байланысты -3, Маңғыстау көлік прокуратурасының талаптары бойынша Маңғыстау жүк тасымалы бөлімшесіне қарасты мекемелерге тексеріс жүргізіліп, көлік прокуратурасының ұсынымы бойынша 2 айыппұл белгіленген. Өткен жылы жеке және заңды тұлғалардан 12 арыз түссе, осы жылғы атаулы мерзімде Маңғыстау бөлімшесіне қарасты мекемелерге қатысты 5 арыз болған. Маңғыстау бөлімшелік көліктегі денсаулық сақтау басқармасының басшысы Ақзия Темірқасованың айтуынша, мекеме "EXPO-2017" көрмесіне жолаушылар пойызымен балалар ұжымдарын тасымалдауда да қажетті іс-шараларды алып, вагондар тазалығы мен тағамдарға, балалардың денсаулығына мониторинг жасап отырған. Сонымен қатар мекеменің өз міндетіне сай теміржол мекемелері, пойыз бригадалары, жолаушылар арасында санитарлық ағарту жұмыстарын жүргізіп, 9 айда 3 семинар-кеңес, 55 әңгімелесу, 4 лекция ұйымдастырған. Мақсат – әрине, санитарлық сауаттылыққа үндеу.

Санитарлық сауаттылыққа үндейді

Басқа да жаңалықтар

«Қазақстан теміржолшысы» газеті, №39-40 07 мамыр 2024 жыл