Алматыда 2026 жылғы 21–23 сәуір аралығында III Халықаралық ESE ASIA-2026 көлік форумы өтеді, деп хабарлайды Rail-news.kz.

Оған көлік-логистикалық компаниялардың, теміржол әкімшіліктерінің, мультимодалды операторлардың, инвесторлардың, IT-компаниялардың, сондай-ақ мемлекеттік және халықаралық коммерциялық емес ұйымдардың 500-ге жуық өкілі қатысады деп күтілуде. Шақырылған компаниялар мен ұйымдардың қатарында «РЖД» ААҚ, «ҚТЖ», «ОТЛК ЕРА», «РЖД Логистика», FESCO, «ТрансКонтейнер», PTC Holding, DP World, БҰҰ ЕЭК, ЕАДБ бар.

Форумның негізгі тақырыптары:

  • геосаясаттың логистикалық шешімдерге әсері және Еуразияның бірыңғай көлік желісін қалыптастыру;
  • жаһандық интеграция және ұлттық мүдделерді сақтау;
  • халықаралық көлік дәліздерін дамыту;
  • контейнерлік логистика және мультимодалды тасымалдар;
  • шекара маңындағы инфрақұрылымды дамыту;
  • өңірдің транзиттік әлеуетін іске асыру;
  • инвестициялық жобалар;
  • тасымалдар мен сервистерді цифрландыру.

ESE ASIA-2026 ұйымдастырушысы ESE форумдар дирекциясы, CILT Central Asia институтымен бірлесіп және Трансеуразиялық тасымалдар жөніндегі халықаралық үйлестіру кеңесінің (ТҮХК) қолдауымен.