ҚТЖ-да қозғалыс қауіпсіздігі мен өндірістік көрсеткіштер оң динамика көрсетуде
«ҚТЖ» ҰК» АҚ Басқарма Төрағасы Талғат Алдыбергеновтың төрағалығымен компанияның 2025 жылғы және 2026 жылғы қаңтардағы қызметінің қорытындыларына, сондай-ақ негізгі мемлекеттік және өндірістік міндеттерді талқылауға арналған кеңейтілген селекторлық кеңес өтті, деп хабарлайды Rail-news.kz.
Отырыс барысында Республикалық референдум өткізу және теміржол инфрақұрылымының су тасқынына қарсы жұмыс кезеңіне дайындығы мәселелері қаралды.
Қозғалыс қауіпсіздігі және өндірістік көрсеткіштер бойынша «ҚТЖ» ҰК» АҚ Басқарма төрағасының орынбасары Марат Шәкенов баяндама жасады. Спикер қозғалыс қауіпсіздігі саласында 2025 жылдың 12 айында тасымалдау процесінің барлық қатысушылары арасында бұзушылықтардың жалпы 10% төмендеуі тіркелгенін атап өтті. Тікелей «ҚТЖ» ҰК» АҚ бойынша бұзушылықтар саны 8% қысқарса, ал қауіпсіздіктің нысаналы көрсеткіші 17% жақсарған, 0,72 жоспарында 0,60-ты құрады. Осы нәтижелерге қол жеткізу үшін ревизорлық аппаратпен 2025 жылы 9 мыңнан астам тексеру жүргізілді, оның қорытындысы бойынша 98 мың бұзушылық анықталып, 10 мыңнан астам тыйым салынған шаралар қабылданды. Қатаң бақылауды қамтамасыз ету жұмыстары 2026 жылдың қаңтарында да жалғасып, 800 астам тексеру жүргізілді.
Көрсеткіштерді жүйелі жақсарту «Қозғалыстың операциялық қауіпсіздігін қамтамасыз ету мәдениетін» қалыптастыру жөніндегі Жол картасын, 2025 жылға арналған жүйелі шаралар кешенін және 2025-2027 жылдарға арналған мүліктің қауіпсіздігі мен сақталуы жөніндегі ведомствоаралық жол картасын іске асырудың арқасында мүмкін болды. Стратегияның маңызды элементі персоналды ынталандыру болып қала береді: 2025 жылдың қорытындысы бойынша бұзушылықтардың алдын алуға және қозғалыс қауіпсіздігін қамтамасыз етуге қосқан жеке үлесі үшін компанияның 615 қызметкері көтермеленді. Сондай-ақ, спикер компанияда пойыздар қозғалысының қауіпсіздігін қамтамасыз ету, инфрақұрылым объектілері мен жылжымалы құрамды күрделі және ағымдағы жөндеу көлемін орындау бойынша жұмыстар жүргізіліп жатқанын атап өтті.
Өз кезегінде бас инженер Рамазан Садырқұлов еңбекті қорғау және өнеркәсіптік қауіпсіздік жағдайы туралы есеп берді. 2025 жылдың қорытындысы бойынша «ҚТЖ» ҰК» АҚ компаниялар тобында өндірістік жарақаттанудың төмендеуінің оң динамикасы атап өтілді: оқиғалардың жалпы саны 26%, ал өндіріске байланысты жағдайлар 19% қысқарды.