Астанада ТЖЫҰ Темір жолдар бас директорлары конференциясының XL отырысы хаттамасына қол қойылды
Қазақстан астанасында темір жол ынтымақтастығы ұйымының (ТЖЫҰ) темір жолдар бас директорлары конференциясының XL Пленарлық отырысы өтті, деп хабарлайды Rail-news.kz.
Халықаралық іс-шараның жұмысын Қазақстан Республикасының Премьер-министрі Олжас Бектенов ашып, өңірдің транзиттік әлеуетін нығайтудағы темір жолдардың стратегиялық рөлін атап өтті.
Қанық күн тәртібі теміржол саласын стратегиялық басқару мәселелерінің барлық спектрін қамтыды.
Іс-шараға әлемнің 30 елінен темір жол компанияларының басшылары мен өкілдері, жүк тасымалымен айналысатын мамандар қатысты. Жалпы қатысушылар саны 300-ден асты.
Мерейтойлық отырыс халықаралық теміржол тасымалдарын дамыту, тәжірибе алмасу және одан әрі ынтымақтастықты талқылау бойынша келісілген шешімдерді әзірлеу үшін жұмыс алаңына айналды. Жүк тасымалы көлемінің өсуіне, инфрақұрылымды жаңғыртуға, қағазсыз технологиялар мен зияткерлік басқару жүйелерін енгізуге, сондай-ақ салалық кадрларды даярлау мәселелеріне басты назар аударылды.
Іс-шара қорытындысы бойынша халықаралық логистиканың алдағы жылдарға арналған даму векторын айқындайтын хаттамаға ресми қол қойылды.