Үш өңірде вокзалдарды жаңғырту барысы тексерілді
«Қазақстан темір жолы» ҰК» АҚ Басқарма төрағасының орынбасары Мұрат Төрегелдин 8 – 12 мамыр аралығында Алматы қаласындағы, Ұлытау мен Қарағанды облыстарындағы теміржол инфрақұрылымы объектілеріне жұмыс сапарымен барып, он теміржол вокзалының жаңғырту барысын тексерді, деп хабарлайды Rail-news.kz.
Тексеру барысында құрылыс қарқынына, атқарылған жұмыс сапасына, өндірістік кестелердің сақталуына, сондай-ақ қауіпсіздік мәселелеріне ерекше назар аударылды. Сонымен қатар, өңірбасшылығымен, мердігерлік ұйымдар өкілдерімен және техникалық мамандармен жұмыс кеңестері болып өтті.
Сапар аясында Сарыбел, Мырза, Нұра, Қарағанды – Сұрыптау, Жаңа Қарағанды, Жаңаарқа, Жезқазған, Қаражал, Қызылжар және Алматы-1 теміржол вокзалдарына барды.
Ұлытау облысында жаңғырту төрт – Жезқазған, Жаңаарқа, Қаражал және Қызылжар теміржол вокзалын қамтиды. Барлық объектілер бойынша «Мемсараптама» РМК-ның оң қорытындысы алынған, бұл жобалық шешімдердің белгіленген талаптарға сәйкестігін растайды.
Қарағанды облысында төрт жолаушылар платформасын қоса алғанда, 14 теміржол инфрақұрылымы нысандарында жұмыстар жүргізілуде.
Сапар барысында жалпы ауданы 17 мың шаршы метрден асатын еліміздегі ең ірі көлік тораптарының бірі – Алматы-1 вокзалына ерекше назар аударылды. Күн сайын вокзал арқылы 2,5 мыңнан астам жолаушы өтеді, ал объектінің өткізу қабілеті тәулігіне 6 мың адамнан асады.
Нысанда жұмыстар белсенді фазада жүргізілуде. Жаңғырту шеңберінде тірек конструкцияларын күшейту, инженерлік инфрақұрылымды жаңарту және ғимараттың пайдалану сенімділігін кешенді арттыру жүргізілуде.
Дайындықтың ең жоғары деңгейіне – ішкі әрлеу жұмыстарының 60% баруына қол жеткізілді, сыртқы инженерлік желілер – 57%, шатыр жабу жұмыстары – 55%. Темірбетон конструкцияларынан жасалған негізгі перрон құрылысы толығымен аяқталды.
Сонымен қатар инженерлік желілер, іргелес аумақты абаттандыру, конкорс құрылысы, жерасты өткелі және ілеспе жолаушылар инфрақұрылымы бойынша жұмыстар жалғасуда. Жолаушыларға жайлы болуы үшін және қауіпсіздікті арттыруға: заманауи күту залдарын құруға, кедергісіз орта енгізуге, навигация жетілдіруге басты назар аударылады.
Жұмыстың жеке блогы объектінің сейсмикалық тұрақтылығын арттырумен байланысты. Негізгі діңгек элементтерді күшейту жүзеге асырылып, ғимарат өңірдің сейсмикалық ерекшелігін ескере отырып, қолданыстағы құрылыс нормаларына сәйкес келтіріледі. Сонымен қатар өрт қауіпсіздігі және бейнебақылау жүйелері жаңғыртылуда.
Жұмыс сапарының қорытындысы бойынша құрылыс бақылауын күшейту, атқарылатын жұмыс сапасын қамтамасыз ету және жобаларды іске асырудың бекітілген мерзімдерін сөзсіз сақтау жөнінде нақты тапсырмалар берілді.
