ҚТЖ теміржол бағыттамаларын жоспарлы түрде жаңартып жатыр
«Қазақстан темір жолы» ҰК» АҚ-ның «Магистральдық желі дирекциясы» филиалында бағыттамалы бұрмаларды жоспарлы ауыстыру жұмыстары жалғасуда, деп хабарлайды Rail-news.kz.
Бұл жұмыстар теміржол инфрақұрылымын жаңғырту бағдарламасы аясында жүзеге асырылып, пойыздар қозғалысының қауіпсіздігі мен сенімділігін арттыруға бағытталған.
Жыл басынан бері теміржол желісінде 466 бағыттамалы бұрма ауыстырылды. Жыл соңына дейін барлығы 1 018 бағыттамалы бұрманы жаңарту жоспарланған. Қазіргі таңда жылдық жоспардың 46%-ы орындалды.
Бағыттамалы бұрмаларды уақтылы жаңарту – теміржол инфрақұрылымын күтіп ұстау жүйесінің маңызды бағыттарының бірі. Бұл жұмыстар жол шаруашылығының сенімді жұмысын қамтамасыз етіп, қозғалыс қауіпсіздігін сақтауға және пойыздардың үздіксіз қатынауына мүмкіндік береді.
Жөндеу жұмыстары бекітілген кестеге сәйкес жүргізіліп жатыр және белгіленген мерзімде толық аяқталады.