Магистральдық желі дирекциясының басшылары Арқалықта жұмыс сапарымен болды
Жұмыс сапары барысында инфрақұрылым жөніндегі Басқарушы директор - "ҚТЖ "ҰК" АҚ "Магистральдық желі дирекциясы" филиалының директоры Сәкен Рахметов теміржол инфрақұрылымы объектілерінің жағдайымен және Арқалық теміржол вокзалындағы жөндеу жұмыстарының барысымен танысты, деп хабарлайды Rail-news.kz.
Сапар аясында құрылымдық бөлімшелер басшыларының қатысуымен қорытынды кеңес өтті, онда қозғалыс қауіпсіздігін қамтамасыз ету, инфрақұрылымды күтіп ұстау, объектілерді алдағы пайдалану кезеңдеріне дайындау, сондай-ақ өндірістік жоспарлар мен ағымдағы міндеттерді орындау мәселелері қаралды.
1972 жылы салынған Арқалық теміржол вокзалы қайта жөндеуден өтуде. Жөндеу нәтижесінде ғимараттың ауданы 1 772-ден 2 400 шаршы метрге дейін ұлғаяды. Вокзал жұмыс көлемі бойынша II сыныпқа жатады, бір жолаушылар платформасымен жабдықталған. 2025 жылдың қорытындысы бойынша жіберілген жолаушылардың орташа тәуліктік саны 410 адамды, есептік орташа тәуліктік жолаушылар ағыны — 799 адамды құрады. Арқалық станциясы арқылы сегіз пойыз жүреді, оның ішінде Астана, Қостанай және Шұбаркөл қалаларымен теміржол қатынасын қамтамасыз ететін төрт қала маңындағы қатынас бар.
Нысанды аралау барысында орындалған жұмыстардың сапасына, оның ішінде инженерлік және технологиялық жабдықтарды қосуға ерекше назар аударылды. Жобаны іске асырудың барлық кезеңдерінде бақылауды күшейту, анықталған ескертулерді уақтылы жоюды қамтамасыз ету және барлық жұмыстарды белгіленген мерзімде аяқтау тапсырылды. Бұдан басқа, жергілікті атқарушы органдармен бірлесіп вокзал маңы аумағын кешенді дамыту қажеттілігіне, сондай-ақ тұрғындар үшін теміржол қатынасының қолжетімділігі мен ыңғайлылығын арттыруды қоса алғанда, өңірдің көлік инфрақұрылымын одан әрі дамыту мәселелерін пысықтауға баса назар аударылды.