Астана станциясының теміржол өткелінде «Қауіпсіз өткел» акциясы өтті

«Заң және тәртіп» тұжырымдамасын іске асыру шеңберінде елордалық локомотив пайдалану депосының машинистері көліктік полиция қызметкерлерімен бірлесіп, Лесозавод ауданындағы Астана станциясының ең көп жүретін теміржол өткелдерінің бірінде «Қауіпсіз өткел» профилактикалық акциясын өткізді, 

«Қауіпсіз өткел» акциясын ҚТЖ Қазақстан темір жолдарының бүкіл желісі бойынша өткізуде. Оның мақсаты – теміржол өткелдеріндегі жол-көлік оқиғаларының алдын алу және жүргізушілердің қауіпсіз мінез-құлық мәдениетін арттыру.

Рейд барысында теміржолшылар мен көліктік полиция қызметкерлері жүргізушілермен профилактикалық әңгімелер өткізіп, теміржол өткелдерін қауіпсіз кесіп өту ережелерін еске салып, ақпараттық жадынамалар таратты.

Акцияға қатысушылар өткелдердегі жол-көлік оқиғаларының негізгі себептеріне ерекше назар аударды. Теміржолшылардың айтуынша, апаттар шлагбаум,  бағдаршам дабылдарын, жол белгілері  талаптарын ескермеу, асығу және елемеу салдарынан орын алады.

Машинистер жүргізушілерге пойыздың қозғалыста сөзсіз басымдыққа ие екенін және оның тежеу қашықтығы жүздеген метр екенін еске салды. Тіпті төтенше тежеуді қолдану әрқашан локомотив бригадасына соқтығысудың алдын алуға мүмкіндік бермейді.

ҚТЖ қауіпсіздік ережелерін бұзғаны үшін жауапкершілікті арттыру бойынша дәйекті жұмыс жүргізуде. Компания бастамасымен 2025 жылы теміржол өткелінен өту ережелерін бұзғаны үшін айыппұл 10-нан 20 АЕК-ке дейін ұлғайтылды. Техникалық құралдарға, жүктерге және мүлікке зақым келтіргені үшін тоғыз ай мерзімге көлік құралын басқару құқығынан айыру көзделген. Қазіргі уақытта жауапкершілікті одан әрі қатаңдату, соның ішінде айыппұлдар мен жүргізуші куәлігін қайта бұзғаны үшін айыру мерзімдерін ұлғайту қарастырылуда.

ҚТЖ жүргізушілерді Жол қозғалысы ережелері мен өткелдегі белгі беру талаптарын мүлтіксіз орындауға шақырады. Жабық өткел алдында бірнеше минут күту өмірді сақтап қалуы мүмкін.