Кәсіподақ белсенділері марапатталды
«Қазақстан теміржолшысы» газетінің тілшісі
«Қазкөліккәсіп» ҚБ Астана торабының төрағасы жұмыс беруші мен жұмысшы арасындағы өзара іс-қимылды сапалы жүргізіп, еңбек жағдайының жасалуына, теміржолшылар құқығының сақталуына атсалысып жүрген кәсіподақ жетекшілеріне алғыс айтты.
Астана торабының төрағасы Серік Сәрсекеев құрылымдық мекемелерде кәсіподақ жұмысын сауатты жүргізіп отырған бастауыш ұйым кәсіподақ төрағаларын Көлік қызметкерлері күнімен құттықтап, «Кәсіподақтағы белсенді жұмысы үшін» төсбелгісімен марапаттады.
– Кәсіподақ – өндірістегі және өндірістен тыс салалардағы қызметкерлерді біріктіретін, өз мүшелерінің әлеуметтік-экономикалық құқықтары мен мүдделерін қорғайтын ұйым. Ол азаматтардың еңбек қатынастарында, жұмыспен қамтылуға, жұмысқа қабылдауға және босатуға, жұмыс уақыты мен демалыстың ұзақтығы мен режиміне, жалақының мөлшеріне, тағы басқаға байланысты туындаған мәселелерді шешуде елеулі рөл атқарады. ҚТЖ бойынша Ұжымдық келісімшартта көрсетілген міндеттер мен құқықтарды қатаң сақтап, екі арада көпір салып жүрген сіздердің күн сайынғы еңбегіңіз ауқымды. Сол еңбек қашан да оң бағасын алып, табысқа кенеле беріңіздер, – деді С.Сәрсекеев.