«ҚТЖ» ҰК» АҚ басшылығының SIPG және NIZE Intelligent Technology өкілдерімен кездесуі өтті
«Қазақстан темір жолы» ҰК» АҚ Басқарма төрағасы Елжас Отыншиев Шанхай қаласында қол қойылған Қазақстан Республикасының көлік терминалдары мен Орта дәлізді цифрландыру саласындағы стратегиялық ынтымақтастық туралы үшжақты негіздемелік келісім шеңберінде Global DTC Ltd Бас директоры Иеонг Уи Танмен және Shanghai International Port (Group) Co.,Ltd. вице-президенті және NIZE Intelligent Technology төрағасы Лю Чанман мырзамен жұмыс кездесуін өткізді, деп хабарлайды Rail-news.kz.
Келіссөздер барысында тараптар логистикалық процестерді цифрландыру және көлік инфрақұрылымын жаңғырту саласындағы екіжақты ынтымақтастықтың негізгі мәселелерін талқылады.
Кездесудің негізгі бағыты бірнеше бағыттарға, соның ішінде Terminal Operating System-ді (TOS) енгізуге назар аударылып, терминалды басқаруды оңтайландыру үшін заманауи операциялық жүйені интеграциялаудың практикалық аспектілері қаралды. Сондай-ақ тараптар теміржол станциялары мен порттарын цифрлық трансформациялаудың келесі кезеңін іске асыру жөніндегі қадамдарды белгіледі. Бұдан басқа, транзиттік әлеуетті дамыту мәселелеріне назар аударылып, Қазақстанның көлік инфрақұрылымын нығайтуға және өңірлік байланысты арттыруға бағытталған серіктестіктің стратегиялық мүмкіндіктері талқыланды.
Кездесуге қатысушылар бірлескен АТ-шешімдері мен озық технологияларды енгізу логистикалық тізбектердің тиімділігін едәуір арттыруға және негізгі маршруттарда жүктерді өңдеуді жеделдетуге мүмкіндік беретініне сенім білдірді.