ҚТЖ-да Ардагерлер кеңесінің отырысы өтті

Отырыс барысында Орталық ардагерлер кеңесінің 2025 жыл және 2026 жылдың 8 айында атқарған жұмыстары туралы ақпараты тыңдалды. Сондай-ақ өңірлік ардагерлер кеңестерінің төрағалары жергілікті деңгейде атқарылған жұмыстар туралы баяндады, деп хабарлайды Rail-news.kz.

Қатысушылар жыл соңына дейінгі жоспарлар мен басым міндеттерді талқылап, тәжірибе алмасты. Сонымен қатар ардагерлер ұйымдарының жұмысын жетілдіруге бағытталған ұсыныстар мен ұсынымдар енгізілді.

Отырыс аясында саладағы белсенді ардагерлерге, ардагерлер қозғалысын дамытуға қосқан үлесі және қоғамдық өмірге белсенді қатысқаны үшін «Құрметті ардагер теміржолшы» төсбелгісі табысталды.

Ерекше назар өзара ынтымақтастықты одан әрі нығайтуға, дәстүрлерді сақтауға және теміржол саласының ардагерлерін қолдауға аударылды.