ҚТЖ-да «Самұрықнама» аясында Қауіпсіздік мектебі іске қосылды
Компания қызметкерлері Астана қаласының № 69 және № 117 мектептерінің 5-8 сынып оқушылары үшін қауіпсіз мінез-құлық бойынша интерактивті сабақтар өткізді, деп хабарлайды Rail-news.kz.
«ҚТЖ» ҰК»АҚ – «Тасымалдау процесінің дирекциясы» филиалының еңбек қауіпсіздігі және еңбекті қорғау, экология секторының басшысы Асқар Берлік және еңбек қауіпсіздігі және еңбекті қорғау секторының жетекші инженері Дидар Қадырғалиев балаларға үйде, мектепте, көшеде және қоғамдық орындарда қауіпсіз жүріс-тұрыс ережелері туралы түсінікті түрде айтып берді.
Компания қызметкерлерімен бірге оқушылар әр түрлі өмірлік жағдайларды талдап, төтенше жағдайларда қалай дұрыс әрекет ету және қандай көмек нөмірлерін білу керектігін талқылады.
Бейтаныс адамдармен жолыққанда не істеулері керектігі ережелеріне ерекше назар аударылды.
Қауіпсіздік мектебінің басты мақсаты – ережелер туралы айтып қана қоймай, балаларды соларды нақты өмірде қолдануға үйрету.