Бейнеуде өткен басқосу

Жаңалықтар

26.01.2018, 11:49

Қозғалыс қауіпсіздігі департаментінің Маңғыстау учаскесі бойынша аймақтық бас ревизоры, «Нұр Отан» партиясының «Маңғыстау темір жолы» БПҰ төрағасы Болат Дүйсәлиев Бейнеу станциясында болып, тораптағы теміржолшылармен кездесті. Кездесу мақсаты – ел Президентінің «Төртінші өнеркəсіптік революция жағдайындағы дамудың жаңа мүмкіндіктері» атты кезекті Жолдауын бейнеулік теміржолшылармен талқылап, түсіндіру. Басқосу Маңғыстау вагон пайдалану депосының Бейнеу техникалық қызмет көрсету пунктінде және Маңғыстау локомотив депосының айналым депосында өтті. Елбасы Жолдауының бағыт-бағдарын халыққа жеткізуде жиынға қатысқан бөлімшенің бас инженері Қарақат Жақанов пен магистральдық желі бөлімшесі директорының орынбасары Аслан Назаров та атсалысты. –Жолдаудың теміржолшылар қауымына үлкен жауапкершілік жүктейтін бөлімі көлік-логистика инфрақұрылымының тиімділігін арттыру деп аталады. Бүгінде Қазақстан арқылы бірнеше трансконтиненталды коридорөтетіндігін, жалпы, Қазақстан арқылы өткен жүк транзиті 2017 жылы 17 процентке өсіп, 17 миллион тоннаға жуықтағанын айта келе Елбасы транзиттен түсетін жыл сайынғы табысты 2020 жылы 5 миллиард долларға жеткізу міндетін қойды. Бұл инфрақұрылымға жұмсалған мемлекет қаражатын тез арада қайтаруға мүмкіндік береді. Сол міндетті орындауда Маңғыстау теміржолы, соның ішінде 4 бағытта торапты жолдары бары Бейнеу станциясының орны бөлек, - деді Маңғыстау жол бөлімшесінің бас инженері. Жолдаумен қатар теміржолшылар өткен жылдың жұмыс қорытындысын талқылап, компания басшылығы белгілеген жаңа тапсырмалар мен алдағы міндеттер туралы да ақпарат берілді.

Бейнеуде өткен басқосу

Басқа да жаңалықтар

«Қазақстан теміржолшысы» газетінің 2025 жылғы 8 мамырдағы арнайы саны